117.
1188. 6. Maii. - Bela III. Strigonii commorans, Stephani III. privilegium coenobio SS. Cosmae et Damiani concessum, adprobat. - Pridie nonas Maii.
Farlati Illyr. S. III. 222. - Katona Hist. Crit. IV. 330. - Fejér Cod. dipl. VII. I. 177.
118.
1188. - Bela III. duabus partibus tributi de foro Strigon., Canonicis Ecclesiae Strigon. iam antea collatis, etiam tertiam addit.
In nomine sancte Trinitatis et indiuidue unitatis. Bela tercius, secundi Geisce regis filius, dei gracia ungarorum rex, omnibus in xpo. pie uiuentibus, salutem in domino. Quum in presenti tantum uita salutis eterne merita comparamus, in futuro meritorum premia, diuina fauente gracia, recepturi; ideo in gazofilacium domini, regie sublimitatis nostre benignitas aliquid conferendum prouidit. Notum ergo fieri uolumus tam presentibus, quam futuris xpi. fidelibus, quod tempore luce, uenerabilis archiepiscopi strigon., canonicis ecclesie beati adalberti duas partes tributi de foro strigoniensi, ad ius regis pertioentis, diuine renumeracionis intuitu contulimus.[354] Terciam uero eiusdem Tributi partem, Job eiusdem loci existente archiepiscopo reuerendo, in utilitatem et profectum predictorum canonicorum ordinauimus; quarta tantum parte ad usus regios retinentes. Ut autem hoc regie liberalitatis munus, quod pro salute anime nostre et heredum nostrorum predicto conuentui concessimus, perpetue stabilitatis robur assumat; presentis pagine patrocinio confirmauimus et sigilli nostri impressione muniuimus. Anno ab incarnacione domini Mo. Co. LXXXo. VIIIo. Job strigon. archiepiscopo; Pauio colocensi electo; Petro agriensi; Bolezlao Waciensi episcopis. Ugrino geuriensi; Johanne Besprimiensi electis. Mogy palatino comite; Dominico curiali comite; Stephano budrugiensi comite existentibus. Saul cenadiensis electus hanc cartam annotauit.
In tergo manu sec. 13.: super tributo fori Strigon. Bela maior. - Sigillum e serico rubro albo et viridi, seu coloris nationalis hung. pendebat. Orig. litteris maiusculis exaratum in Arch. Cap. Strig. priv. Lad. 24. Fasc. 1. Nro. 1. - Katona Hist. Crit. IV. 331. Fejér 1. c. II. 244. - Litteras has sigillo aure o munitas fuisse, Michael Országh de Guth Palatinus a. 1465. ita testatur: „In quarum prima litterarum privilegialium serie ipsius domini Belae III., secundi Geisae regis filii, de anno ab inc. dom. 1188. confectae, aurea

[354] Vide Nrum. 106.