Archiepiscopo reuerentiam et obedientiam impendere procuretis, quam predecessores uestrj suis consueuerunt predecessoribus exhibere. Datum Laterani VI, Idus Januarij, Pontificatus nostri Anno Quarto.
Bulla e filis canabeis pendet. Orig. in Arch. Prim. eccl. vet. Nro. 5. - Fund. et Arg. Archiepiscopi Strigon. contra Praep. Alb. sub litt. B. - Pray Hier. I. 7. - Katona Hist. Crit. IV. 382. - Fejér II. 1. c. 273.
123.
1191. 11. Dec. - Coelestinus PP. III. omnes concessiones in praeiudicium Archiepiscopi vel Ecelesiae Strigon. impetratas, irritat.
Celestinus episcopus, seruus seruorum dej, Venerabilj Fratrj ... Strigon. Archiepiscopo salutem et apostolicam benedictionem. Quantum in ecclesia dei locum obtines digniorem, tanto libencius iusticijs tuis intendimus; et ne commissa tibi ecclesia per cuiusquam calliditatis astucia indebite pregrauetur; Ideoque presencium auctoritate statuimus, ut si nuncijs uel procuratore tuis, in nostri presencia constitutis, (aliquid) eis nescientibus, contra te, uel commissam tibi ecclesiam comparuerit impetratum, nullam habeat, nec ullam obtineat in tui preiudicium firmitatem. Nulli ergo omnino hominum liceat hanc paginam nostre constitucionis infringere, uel ej ausu temerario contraire. Si quis uero hoc attemptare presumpserit, indignationem omnipotentis dej et beatorum Petri et Pauli apostolorum eius se nouerit incursurum. Datum Laterani III. Idus Decembris, Pontificatus nostrij anno (Primo).
Sig. plumb. e flavo et rubro serico pendet. Orig. exesum, nec amplius per integrum legibile, in Arch. Cap. Strig. priv. Lad. 44. Fasc. 11. Nro. 1. - Ed. Fejér 1. c. II. pag. 274.
124.
1191. 13. Dec. - Coelestinus PP. III. omnia privilegia Ecclesiae Strigon. generaliter confirmat.
Celestinus episcopus, seruus seruorum dej, venerabilj fratrj ... Strigon. Archiepiscopo, Salutem et apostolicam benedictionem. Quia te tamquam precipuum sacrosancte Romane ecclesie menbrum et uenerabilem fratrem diligimus, et totis in xpo. caritatis uisceribus amplexamur; tuis desiderijs grato concurrentes assensu, petitiones tuas ea, qua decuit, affectione recepimus et earum tenore plenius considerato, quantum com deo potuimus, curauimus exequtioni mandare, et deuotionis tue feruorem, quem ad Romanam ecclesiam et nos spetialiter
Első
