ad siluam sancti Benedicti, que vocatur Culpen et sunt ibi octo piscine, quarum nomina sunt Huzetow, Ceraka, Taynad, Tarinew, Ostompa, Quiestow, Gorinnbuka, Narag.
Predia illa, quorum limites in presenti pagina sunt annotati, per clericum nostrum Demetrium filium Gabrielis adhibitis cum eo testibus de prouincijs excepcione maioribus circuiri fecimus et metas eleuari, quorum limites notati non sunt, per eundem demetrium videri fecimus et nomina annotari nec inventus est homo, qui ad aures excellencie nostre aliquid contrarietatis contra prefatos viros hospitalis detullisset. Vnde ne imposterum huic donacioni a quoquam ausu temerario valeat contradici, eam presentis pagine patrocinio communiuimus.
Insuper eciam nos volentes celesti gazophylacio aliquid aggregare, ad sustentacionem pauperum, quibus prefata domus necessaria quottidiana subministrat, liberos denarios de Oiwduor et Chergon, qui ad ius regale pertinebant, usque ad summam sexaginta marcarum perpetuis temporibus condonamus. Si uero de hijs locis, disponente domino, populus in tantum excreuerit, vt summam sexaginta marcarum, liberi denarij excedant, excessum voluntati Regum, qui nobis successuri sunt, relinquimus.
Data est carta, per manus Magistri Kathapani albensis prepositi Aule Regie Cancellarij. Anno ab incarnacione domini Millesimo Centesimo Nonagesimo tercio. Venerabili Job Strigoniensi Archiepiscopo existente; Venerabili Saulo Colocensi Archiepiscopo existente; petro Agriensi Episcopo; Calano Quinqueecclesiensi Episcopo, et, eodem tocius dalmacie atque Croacie Gubernatore; Baillezlawo Waciensi Episcopo; vgrino geuriensi Episcopo; Johanne Bezprimiensi Episcopo; Adriano Transsiluano Episcopo; Dominico Zagrabiensi Episcopo. Mog palatino Comite et eodem Bachiensi; dominico curiali Comite et eodem Budrigiensi; Andrea Comite de Suprun; Both Comite de Byhor; Machario Comite de Zawnich; Stephano Comite de Worosth; Egidio Comite de Zala; fulcone Comite de waswar; Stephano Comite de Braina; Poznan Comite de Talena.
E transumto Mathiae Regis a. 1464. - Orig. inter Acta Cruciferorum Capsa II. fasc. 1. Nr. 1., in Archivo Capituli Poson. asservata. - Edidit, sed nimis erronee, Fejér Cod. dipl. II. 283., porro Batthyányi Leg. Eccl. II. 286.
128.
1194. - „Littera Domini Belae (III.) olim Regis Huog. - - privilegialiter edita, declarabat, quod Salatice, filius Ieremiae, ex confirmatione ipsius Belae, pro remedio animae suae totam terram in villa Telky, tam videlicet tertiam partem cum fratribus suis sibi pertinentem, quam portionem - haereditatis cum

---