142.
1198. - Innocentius PP. III. Archiepiscopo Strigon. reformationem Abbatiae de Telki committit. -
- - Ad audentiam nostram noueris peruenisse, quod monasterium de Telequi ad tantam dissolutionem - - est devolutum, vt nec statutus in eo regularis ordo servetur, nec fratres - - congrue possint de ipsius redditibus sustentari. - - Idem monasterium - - sollicitudini tuae, quamdiu nobis et successoribus placuerit, duximus commitendum, per apostolica scripta mandantes, quatenus taliter ipsius reparationi studeas imminere, ut divini nominis cultus in eo de die in diem potius augeatur et fratrum necessitatibus vitae neccessaria congrue ministrentur.
Innoc. III. Decr. et epist. ed. Rom, fasc. 3. p. 1., Katona Hist. Crit. IV. 500., Fejér Cod. dipl. II. 322.
143.
Ca. 1198. - Boleslaus episcopus Vaciensis loca quaepiam „et ad ea pertinentia cum molendinis, vineis, libertinis, servis et ancillis, quae iuri Eluimi episcopi Varadiensis, fratris sui, competere videbantur, ab ipso in praesentia Job archiepiscopi et Strigon. Capituli comparavit, quum Romam, tempore Regis Emerici pro quibusdam necessitatibus esset profecturus.”
E litteris Andreae Regis a. 1214. Katona Hist. Crit. V. 180., Fejér III. I. 159. - Katona ib. IV. 519. adiicit: „Ceterum ista dubium sensum habent, an de Boleslai vel Eluimi fratris itinere Romano loquantur.” Eluimus hoc anno Romam citatus fuit, (ib. 518.) adeoque hoc a. venditio haec facta fuerit.
144.
1199. 30. Jan. - Innocentius PP. III. ob mutilationem regestri pontificii „inauditum - nempe - falsitatis genus, tam novitate nocendi, quam praesumtionis audacia vniversa fere hactenus inventa genera falsitatis excedens,” magistrum P. Strigon. Praepositum, et magistrum Robertum Anglicum et Asonem presbiterum, quos huius iniquitatis consocios esse audivit, per Episcopum Jauriensem et Abbatem de Bakony evocandos decernit, qui ab eis exquirant, „quo mandante, cuius consilio, quo conscio et quo procurante

---