procurante tantae falsitatis crimen fuerit attentatum. - - Datum Laterani III. Kal. Febr.”
Innoc. Decr. et epist. ed. Rom. f. 258. p. 2., Katona Hist. Crit. IV. 548., Fejér Cod. dipl. II. 356. - In eodem negotio 4. Febr. Emerico Regi scribit, rogans eum, ut testes examinandos protegat et defendat. Ib. - An et quomodo semet incusati purgaverint, ignoratur.
145.
1199. 1. Febr. - Innocentius PP. III. causam Capituli Varadiensis, Episcopum suum de crimine periurii et simoniae accusantis, Archiepiscopo Strigon. et coiudicibus suis discutiendam committit. Datum Kal. Febr.
Innoc. III. Decr. et epist. f. 262. pag. 1., Katona Hist. Crit. IV. 540., Fejér Cod. dipl. II. 351.
146.
1199. 10. Mart. - Innocentius PP. III. Capitulum Strigon. in possessione tributi fori Strigon. confirmat.
Innocentius episcopus, seruus seruorum dei, Dilectis filijs, Capituli Strigon. Ecclesie Salutem et apostolicam benedictionem. Cum a nobis petitur, quod iustum est et honestum, tam uigor equitatis, quam ordo exigit rationis, ut id per sollicitudinem officij nostrj ad debitum perducatur effectum. Ea propter dilecti in domino filij, uestris iustis postulationibus gratum impertientes assensum, partem illam tributi fori Strigon., quam inclite memorie Bela, quondam Rex Vngarie, et karissimus in xpo. filius noster, Aimericus (sic), qui eidem in Regno successit, pro remedio animarum suarum Ecclesie uestre liberaliter contulerunt,[359] sicut eam iuste et pacifice possidetis, uobis et ecclesie uestre, auctoritate apostolica confirmamus et presentis scripti patrocinio communimus. Nulli ergo hominum liceat - - cet. consuete. Datum Laterani VI. Idus Martij. Pontificatus nostri Anno secundo.
Sig. plumb. e rubro et flavo serico pendet. Orig. in Arch. Cap. Strig. priv. Lad. 44. fasc. 1. Nr. 3. - Ed. Wenzel, sed erronee ad a. 1198. 1. c. I. 88.
[359] Vide Nrum. 140
Első
