quinto. Venerabili Job Strigon. archiepiscopo existente; Reuerendo saul Colocensi archiepiscopo; Kalano quinqueecclesiensi; Vgrino Geuriensi; Adriano transiluano ecclesiarum episcopis. Myke palatino et Bychoriensi Comite; Nicolao vayuada; Benedicto Bathiensi comite; Tyburcio comite de Budrug; Thoma comite de suprun; Poth comite de Musun, Dignitates regni tenentibus et honores.
Sigillum cum zona avulsum. Orig. pulchre exaratum, sed humore corruptam et lacerum, in Arch. Cap. Strig. priv. Lad. 24. fasc. 1. Nro. 3. Ediderunt Schmitth Episc. Agr. I. 107; Katona Hist. Crit. IV. 607. et Fejér 1. c. II. pag. 384.
151.
1202. - Emericus Rex terram Udvornicorum Regiorum, Strigonii circa ecclesiam s. Laurentii sitam, ad preces Job Archiepiscopi, Capitulo Strigon. confert.
IN NOMINE SANCTE TRINITATIS ET INDIUIDUE UNITATIS. Emericus, dei gracia Hung., Dalm., Croacie, Rame, Bulgarieque rex, in perpetuum. In conspectu conditoris omnium acceptum fore credimus, dum ea, que sacris locis priores donauerant, posteri seruent perhempniter et suis amplient donatiuis. Proinde notum facimus vniversis, quod nos domini Bele quondam Regis hungarie, pie recordacionis, patris nostri karissimi, donacionem, quam de tributo fori Strigoniensis, ob remedium sue salutis, Capitulo Strigoniensis ecclesie et fratribus, in ea deo famulantibus, fecerat suis litteris mediantibus, ratam habemus atque firmam et perpetuo confirmamus; et insuper uolentes elemosinam nostram addere perpetuam, ut per hoc a domino brauium salutis eterne consequamur; locum eiusdem fori Strigoniensis, de consilio prelatorum et baronum regni nostri, cum fundis, areis, terra et edificijs, a portu danubij minoris, ubi pisces ia uiuarijs seruantur, versus orientem directe usque terminum fosse et abhinc versus lacum aque calide usque ad portum magni danubij, eidem ecclesie Strigoniensi et fratribus, residentibus in eadem, dedimus, donauimus et contulimus perhempniter possidendum, cum pleno dominio tenendum et habendum; tali modo, quod hospites, in eadem terra et loco nostre donacionis residentes, sint distincti a uico latinorum et nullo iure in ipso uico residentibus debeant subiacere; prout in alijs litteris nostris plenius continetur.[362] Sed quod quedam (terra) vduornicorum nostrorum Strigoniensium in medio, circa ecclesiam sancti laurencij remanebat, ipsam ad peticionem venerabilis patris, domini Job, archiepiscopi Strigon., dilecti
[362] Vide Nrum. 150.
Első
