dilecti et fidelis nostri, predictis fratribus, intuitu fidelitatis eorum, et pro nostra ac eiusdem patris nostri salute sempiterna, donauimus perhempniter possidendam, ne predicti vduornici nostri habeant aliquando causam ipsos fratres perturbandi. Cuius terre quantitas et situs taliter distinguntur; Videlicet a parte orientali est uia, qua itur extra portam; a parte septemtrionali fossatum usque ad danubium minorem; a parte uero meridionali locus fori infra ecclesiam beati Nicolai, tendens usque ad danubium minorem, ubi pisces seruantur et uenduntur. Vt igitur hec nostra donacio perpetuam optineat firmitatem, presentes litteras nostro fecimus sigillo roborari. Datum per manus desiderij, prepositi Scibyniensis, dilecti et fidelis nostri. Anno domini Mo. Co Co. secundo, Regni autem nostri anno sexto. Venerabili Job predicto Strigoniensi, Reuerendo Saul Colocensi archiepiscopis; kalano quinqueecclesiensi; vgrino Geuriensi; Adriano Transiluano, et alijs episcopis, ecclesias dei gubernantibus. Myke Palatino et Bychoriensi comite; Nicolao vayuada; Benedicto Bachiensi; Tyburcio budrugiensi; Thoma Supruniensi et Poth Musuniensi Comitibus, et alijs, Comitatus nostros tenentibus et honores.
Sig. ingens, e rubro, flavo et fusco serico pendens, sat bene conservatum, exhibet Pray Syntagma de Sig. tab. VIII. fig. 3. - Orig. in medio per dependens sigillum laceratum, in Arch. Cap. Strigon. priv. Lad. 24. fasc. 1. Nro. 4. - Extr. Schmitth Episc. Agr. I. 109., Katona Hist. Crit. IV. 630. Initium, quod hi exmiserunt, dedimus M. Sion. II. 126. tum hinc et e Cod. Fejér integre ed. Wenzel VI. 224.
152.
1203. 28. Febr. - Innocentius PP. III. ne inter Archiepiscopos Strigoniensem et Colocensem, absente rege, lites erumpant, curaturum se promittit.
Fuit - - propositum coram nobis ex parte magnitudinis tuae,[363] quod quum pro subventione terrae sanctae crucem assumseris, - - ne regnum tuum interim aliqua posset seditione turbari, - - Strigoniensi et Colocensi Archiepiscopis iniungere dignaremur, ne in absentia tua, ecclesiarum occasione suarum, aliquas lites moverent, per quas in regno dissensiones et scandala orirentur. Nec nos etiam ad eas, quae iam ortae sunt, cognoscendas, vel etiam committendas usque reditum tuum intendere curaremus. - - - Petitioni tuae taliter respondemus, quod in his eam discrecionem et cautelam curabimus adhibere, ut si aliquae inter personas ecclesiasticas regni tui lites emerserint, taliter, auctore

[363] nempe Emerici Regis.