164.
1204. 14. Sept. - Innocentius PP. III Archiepiscopum Spalatensem, qui Abbatiam s. Aegidii de Simigio a rege indebite impetrans, expulsis monachis latinis hungaros substituit, ni excessum suum emendaverit, per Varadiensem Episcopum, Abbatem de Bakony et Praepositum Strigon., canonice puniendum decernit. Datum Romae apud s. Petrum XVIII. Kal. Oct. Pont. a. 7.
Dobner Mon. II. 347., E reg. a. 7. ep. 128., Katona Hist. Crit. IV. 735., Fejér Cod. dipl. 11.446.
165.
1204. 22. Nov. - Innocentius PP. III. in causa postulationis Joannis Archiepiscopi Colocensis ad Metropolim Strigon. Capitulum Strigon. et suffraganeos Episcopos, huic postulationi adversantes, Romam evocat.
Innocentius - - Capitulo Strigon. - - Postulationi, quam celebratis de - - J. Colocensi Archiepiscopo ad Strigon. Metropolim transferendo, - - eiusdem Metropolis suffraganei, videlicet C(alanus) Quinqueecclesiensis, B(oleslaus) Waciensis, K(alanda) Vesprimiensis et J(oannes) Nitriensis episcopi penitus contradicunt, per suas nobis litteras intimantes, quod V(grino) bone memorie archiepiscopo vestro viam universe carnis ingresso, eis inconsultis, vos habito ad invicem Consilio diligenti, quosdam de Canonicis vestris ad - - Ungarie Regis illustris presentiam destinastis, et quem vobis prefici volebatis, nominetenus expressistis. Post dilationem vero non longam, cum ad festum beati Stephani iidem Episcopi solempniter convenissent et super electione Strigon. Ecclesie unanimi deliberatione tractarent, vos ab eisdem Episcopis requisiti, quem illi sedi velletis eligi ac preponi, taliter respondistis, quod nullum auderetis eligere, nisi qui plenam Regis gratiam obtineret et protinus prefatum Coloc. Archiepiscopum, in quem iam pridem cum Rege conveneratis praedicto, nominare curastis, adicienles, quod in Electione Archiepiscopi suffraganei nichil iuris haberent; quibus ipsi suffraganei responderant, quod a prima christianitatis iustitutione in Regno Ungarie usque ad ista tempora, nullus ad sedem Strigon. fuerat electus, nisi Suffraganeis una cum Canonicis eligentibus, iuxta constitutionem Canonicam et consvetudinem approbatam; dixerunt etiam, quod prius inquiri deberet, utrum de gremio illius Ecclesie posset utilis et ydoneus ropperiri, asserentes, quod in ea multi sunt viri honesti, discreti et litterati, qui possent illi sedi decentius presidere. Illud insuper per easdem nobis litteras intimarunt, quod cum predictus Colocensis Archiepiscopus

---