215.
1216. 21. Nov. - Honorius PP. III. „Strigon. Archiepiscopo et Magistris eiusdem Provinciae et Decano et Archidiacono Strigon.” iniungit, ut statuto Concilii Lateranensis IV., vi cuius „omnes clerici, tam subditi, quam praelati, vicesimam ecclesiasticorum proventuum usque ad triennium integre conferant in subsidium terrae sanctae,” conformiter, vicesimam hanc magistris domorum militiae templi et Hospitalis Jerosolimitanorum in Strigoniensi provincia constitutis, usque ad Kal. Maii. exhiberi procurent. - Datum Romae XI. Kal. Dec., Pont. a. 1.
Fejér Cod. dipl. III. I. 183. - Theiner Mon. Hung. I. 3. - Hinc Fridericus Pesty (A templariusok Magyarországon. M. Akademiai Értesitő Tört. osztály 1861. II. 30 - 152.) bene concludit, Templarios hos Strigonii conventum, in quo etiam Magister ipsorum resederit, habuisse. Caeterum nulla ante hunc annum de conventu hoc mentio occurit. Bonbardi quidem haec scribit: „Templarii ad radicem arcis, qua campum despectat viridem (seu szent György mező), quasi pro postibus Marianae Basilicae excubabant ad annum usque 1200.” (Topographia Magni Regni Hung. 164.) Sed unde haec hauserit, non adnotat, nec nobis haec assertio verisimilis videtur; in loco saltem Conventus scriptor hic et qui eum sequuntur Ladislaus Turóczi (Ungaria suis cum Regibus 166), Kolinovich (Chron. Templar. 229.) et Fuxhoffer (Monast. II. 238.) certissime aberrarunt, in diplomate enim quodam, quod ad a. 1294. producemus, expresse dicitur, templarios in parochia ecclesiae s. Petri exstitisse; iam autem ecclesia haec in extima parte civitatis Regiae procul ab arce sita erat. (Memoria Basil. Strig. 34.)
216.
1217. 28. Febr. - Honorius PP. III. modum distributionis vicesimae colligendae Archiepiscopo Strigon. perscribit. - - „Pecuniam collectam et colligendam in truncis per distributores (quatuor nempe vel quinque seu plures viros prudentes, clericos et laicos crucesignatos illius civitatis et diocesis, quorum unus sit Episcopus loci, siquidem cruce signatus extiterit, reliquis ab episcopo diocesano et ipsius vicesime collectoribus eligendis) distribui volumus et mandamus inter cruce signatos strenuos et prudentes de populo illo, ubi fuerit pecunia ipsa collecta, quibus ad peragendum votum suum proprie non suppetunt facultates; - - distribuatur tempore arripiendi itineris, vel in portu.” - - Datum Laterani 2. kal. Mart. Pont. a. 1.
Theiner Mon. Hung. I. 6., Wenzel 1. c. I. 142.

---