Dominus benedixit a mari usque ad mare ipsius extendendo palmites, - - usque ad festum b. Martini ad presentiam nostram transmittas, - - ad solicitudinem diversarum gentium destinandos, ut in eis fungentes legatione pro Christo, reconciliari obsecrent illas Deo. - - Datum Laterani.
Theiner Mon. Hung. I. 27.
248.
1221. - Abbas s. Mart. de Pannonia et filii Beus super terra Barsun inter ipsos litigiosa, hoc modo convenerunt „quod prestaldus Archiepiscopi Strigon., qui statum memorate terre et seriem contencionis eorum prenouerat, ad circueundum illam accederet et quidquid de terra illa ordinaret, uel de contencione eorum terminaret, utrique parti ratum fieret et acceptum.”
E litteris Nicolai Palatini. Wenzel. l c. I. 180.
249.
1221. - Nicolaus Palatinus terram quamdam, ab Udvarnicis Strigoniensibus impetitam, Capitulo Strigon. iuxta privilegium Emerici Regis adiudicat.
Nicolaus dei gracia Andreae Hungarorum Regis comes palatinus, omnibus, presentem pagin(am inspec)turis, salutem in domino. Licet ad nostrum pertineret officium odornicorum (sic) Regis terram, quocumque iniusto modo distra(ctam), in statum reformare; de manda(to ta)men domini Regis, nobis ad premissa intendentibus, conqu(erantur o)dornici Strigonienses, quod Strigon. ecclesie capitulum terram quandam, cuius situs et quantitas in felicis memor(ie Regi)s Hemerici priuilegio continetur, contra iusticiam occupasset. Partibus ergo in nostra presencia constitutis et oblato ex parte capiluli memorati Regis Hemerici priuilegio, deprehendimus de prudentum uirorum consilio, sepedicti Regis H. donacionem fuisse legitimam, et ob hoc terram prescriptam ad ius Strigon. capituli iusto fuisse titulo deuolutam;[405] unde et sentencia data pro capitulo, sepedictam terram adiudicauimus eidem, perhenni iure possidendam; constituto ad hoc exsequtore (sic) Gathcone, Monetariorum Regis quondam Magistro. Vt ergo huius facti memoria firmitate stabili perduret in euum, in eiusdem rei testimonium presentem paginam confici et sigilli nostri munimine fecimus roborari

[405] Vide Nrum. 151.