ut in publicis conventibus regni, quibus ipse Rex personaliter interesse tenetur, auctoritatem huius tueatur.[421] 1223. 12. Jan. illi demandat, ut terrae Burzae idoneum Archipresbiterum vel decanum praeficiat.[422] - In sede Agriensi ad finem usque anni 1223. permansit; nam in litteris, quibus Antistites Hungariae de Belae divortio Papam edocent, adhuc Agriensis vocatur;[423] litterae autem hae, cum nullus in iis Archiepiscopus Strigon. compareat, post mortem Joannis I., adeoque mense circ. Nov., non autem, mense Jul., ut Katona[424] et Theiner[425] existimant, scriptae fuerint. Hoc eodem 1223. anno etiam in diplomate regis, vacante iam sede Strigon., adhuc Agriensis nominatur.[426] Sed initio statim a. 1224. ad Strigon. Metropolim promotus fuerit, nam Papa iam 3. et 22. Febr., 13. Mart. et 2. Apr. litteras suas ad Archiepiscopum Strigon., adeoque Thomam hunc dirigit (Vide Nros. 262. 263. 264. et 265.), 30. autem Apr. iam certissime Archiepiscopatum hunc tenuit; nam Papa in litteris suis hac die datis expresse ail: „Venerabilem fratrem nostram Strigon. Archiepiscopum, tunc Episcopum Agriensem.”[427] Hinc una clare apparet, aberasse Schmitthium, quum Thomam hunc a. 1224. qua episcopum Agriensem e vivis excessisse scribit.[428] In duobus Andreae Regis diplomatibus, a. hoc datis, pariter Archiepiscopus Strigon, nominatur,[429] quae cum 21. regiminis anno signata sint, post 26. Aug. aut 30. Nov. edita fuerint. Sed Thomas noster hoc eodem anno etiam mortuus fuit, nam in aliis huius anni diplomatibus sedea Strigon. vacare dicitur.[430] Dies obitus non constat, e nunc citatis tamen diplomatibus concludere licet, mortem eius in alteram anni huius partem incidisse; nullum autem in casum ante 7. Maii obiit, quia in quodam diplomate Andreae Regis hoc anno edito, ac 20. regiminis anno signato, sedes Strigon. pariter vacare dicitur;[431] iam autem 20. regiminis annus hic tantum a regiminis Andreae initio, seu a 7. Maii 1205. computari potest. Nec e contra ultra mensem Nov. vitam protraxit; quia 4. Dec. Papa inquisitionem contra Praepositum Strigon. Varadiensi et Vaciensi episcopis committit, (Vide Nrum. 267,) certe Archiepiscopo Strigon. tamquam immediato eius superiori commissurus, si de morte eius iam tum sibi non constitisset.

---

[421] Ib. 36.

[422] Ib. 37.

[423] Fejr III. I. 413.

[424] Hist. Crit. V. 427.

[425] L. c. pag. XIII.

[426] Fejér III. 1.395.

[427] Ib. 461.

[428] Ep. Agr. I.129.

[429] Fejér 1. c. 458. 466.

[430] Fejér 1. c. 445. sub nota., Cod. dipl. Patr. IV. 12. et Wenzel VI. 425.

[431] Wenzel I.197.