296.
1228. - Andreas II. Rex servos refractarios Ecclesiae de Gron de villa Udvard in semirasura capitis condemnat et Ecclesiae readiudicat.
Andreas dei gracia Rex Hungarie, Vniuersis presentibus et futuris, hanc paginam inspecturis, salutem in eo, qui dat salutem regibus. Cum tempore nostro serui ecclesie nostre sancti benedicti supra Granam de Willa Wdword se a debita seruitute alienassent; dilectus et fidelis noster Cena, Abbas eiusdem loci, maiores de iam dicta uuilla Wdword cum pristaldo nostro de nostra aula, nomine agabito, de uuilla Chesev, ad nostram citauit presenciam, propones (sic) contra eos, quod seruos suos et terram in eadem uuilla xl aratrorum contra ius retinerent. Cui respondentes Wduordienses dixerunt, quod abbas nullam in eorum uuilla haberet porcionem. Nos ergo, ut racio exigebat, abbati probacionem indiximus termino ergo statuto, abbas sepedictus legitimam induxit circumiacencium testium probacionem et insuper quod in eadem uuilla ius de seruis et terra habuisset, exibicione priuilegij declarauit. Vnde nos cum nostro palatino Dionisio et nostris fidelibus sentenciauimus contra infideles seruos abbatis, quod semirasis capitibus eidem ecclesie redderentur, et ut presens factum a memoria non possit elabi, eosdem seruos nominatim duximus exprimendos: fenerus cum tribus filijs; Scintha cum tribus filijs; Prodit cum uno filio; Monchu cum uno filio; Chuda cum uno filio; Boscoy cum tribus filijs; Paulus cum uno filio; Sica sine filio; Zothmar cum tribus filijs; tvrda sine filio; Scesa cum uno filio; paulus sine filio; Benedictus cum uno filio; Esav; Jacob; Vzud sine filijs; Maraz cum duobus filijs; Tomas cum uno filio; Morouth; Sumba; Chece; Mog; Peth; Sibolth sine filijs; Nanas cum duobus filijs; pethus cum duobus filijs; Olsod cum uno filio; Bodou; potho; Crusc; Seldeu; Zezer; Zousa; petrus; Mauricius sine filijs; et ad nostram peticionem et fidelium nostrorum concessit sepedictus abbas, quod de terra xl aratrorum, in quanto seruos nostros Vduordenses coram nobis conuicerat, acciperet terram quindecim aratrorum, tali tamen tamen (sic) pacto statuto, quod utcumque maiestati nostre cum consensu abbatis de terra uel de aliqua alia possessione utile uideretur, pro residio terre Wduord eidem ecclesie in cambio donaremus. Vt ergo hoc statutum robur in se habeat firmitatis, sigilli nostri duplicis munimine fecimus roborari. Datum per manus Bulsu prepositi Geuriensis, aule nostre Cancellarij. Anno gracie Mo. CCo. XXo. VIIIo.
E Nro. 305. - Fejér Cod. dipl. III. II. 143.
Első
