293.
1228. 21. Mart. - Gregorius PP. IX. Archiepiscopo Strigon. in negotio conversionis Cumanorum quasdam facultates concedit.
Gregorius - - Strigon. Archiepiscopo, apostolice sedis legato. Gaudemus in domino, quod labori tuo - - fructum dedit, conversionem videlicet non parve multitudinis Cumanorum, iamque in partibus illis - - Theodoricum de ordine fratrum Predicatorum, eruditum in lege domini et vita preclarum, - - in episcopum prefecisti. Cum autem gens predicta vaga et instabilis - - nunc hedificare civitates et villas - - et ecclesias fundare desideret, nos - - tibi concedimus, ut fidelibus, qui personaliter iverint vel miserint subsidium ad construendum ibidem ecclesias - - , peccatorum indulgentiam, - - et proficistentibus ad recuperandam christianorum terras, Cumanis vicinas, quas Soldanus de Iconio vel infideles alii occuparunt, ac euntibus contra illos, qui Cumanos conversos impugnant, - - remissionem - - largiaris. Ad hec - - indulgemus, ut si de iam profectis vel proficiendis in Cumaniam - - aliqui in canonem inciderint sententie promulgate, - - possis eis - - absolutionis beneficium impertiri. - Datum Laterani XII. Kal. Apr., P. a. 2.
Theiner Mon. Hung. I. 87. - Ad a. 1229. Fejér Cod. dipl. III. II. 153. et Katona Hist. Crit. V. 535.
294.
1228. 21. Mart. - Gregorius PP. IX. provocat Priorem Ordinis Praedicatorum de Ungaria, ut, cum Archiepiscopus Strigon., apostolicae sedis legatus, Theodoricum de eodem ordine in episcopum Cumanorum praefecerit, „in mittendis ad Cumanos fratribus, qui magis idonei videbuntur,” se facilem exhibeat. - Datum Laterani XII. Kal. Apr., P. a. 2.
Theiner Mon. Hung. I. 87. - Ad a. 1229. Katona Hist. Crit. V. 536. et Fejér Cod. dipl. III. II. 154.
295.
1228. 21. Mart. - Gregorius PP. IX. dilaudat Belam, Andreae regis natum, quod „pro convertendis Cumanis, cum - - Archiepiscopo Strigon., apostolice sedis legato, terram illorum intraverit.” - Datum XII. Kal. Apr., P. a. 2.
Theiner Mon. Hung. I. 87. - Ad a. 1229. Fejér Cod. dipl. III. II. 151.

---