310.
1230. - Almanda et filius suus Perrin terram Kis Tata Florentino praeposito Szebeniensi et Canonico Strigon. vendunt coram Capitulo Strigon.
Thomas prepositus et Capitulum Strigoniense, omnibus, ad quos littere dresentes peruenerint, oraciones in domino. Vniuersitati uestre significanaus, quod mulier quedam, Almand a nomine, filia Danielis, uxor quondam Laurencij latini, auri malliatoris[458] de Strigonio, et Perrin, filius eiusdem Laurencij, cum Florentino preposito Scibiniensi, nostro concanonico, coram nobis constituti; terram ad vnum aratrum, quam habebant vltra Danubium in uilla Thata iuxta Gron, tam illam, quam secum, cum ad coniugium ipsa transiit, tulerat, quam eciam illam, que a patre predicti Perrin fuerat empta, cum suis pertinencijs, cum nostro et Villanorum consensu, uendiderunt prefato preposito pro sex Marcis argenti et dimidia perpetuo possidendam, cuius precium ab eodem preposito coram nobis plenarie receperunt. Preterea est quedam terra in eadem uilla non partificata, de qua prepositus habebit in porcione sua, quantum alij duo homines de uilla; cum autem contigerit eam partificari, equali gaudebit porcione, qua et alij duo homines in pratis et in pascuis et in ripis, in montibus et in uallibus, spectantibus ad eandem uillam. Preterea predictus prepositus habebit ante ecclesiam sancti Mauricij duas mansiones et duas plateas adduo molendina edificanda et duas mansiones in longum ripe. Preterea idem prepositus habebit duo prata feneti circa Granam et unum ultra Granam. Est eciam supra Granam quoddam Buscagium[459], de quo dictus prepositus habebit tantam partem, quantam alij duo homines habent de uilla. Vt igitur hec, coram nobis legitime acta perpetue firmitatis robur obtineant; ad peticionem uenditorum prefato preposito litteras super hijs concessimus testimoniales, sigilli nostri munimine roboratas. Anno ab incarnacione domini Mo. CCo. XXXo. Datum per manus Magistri Benedicti, Lectoris Strigoniensis.
A. B. C. D.
A tergo manu sec. 15. „Kisthatha.” - Sigillum minus detritum e flavo et rubro serico pendet. Orig. pulchre exaratum, in Arch. Cap. Strig. priv. Lad. 30. fasc. 1. Nro. 1. Extr. Fejér 1. c. III. II. 221. - Ed. Cod. Strig. II. 31, ac Wenzel 1. c. VI. 487.

[458] Mallia, ut Du Cange docet, est „monetae species, quo nomine aureas quasdam monetas appellatas docemus.” Fuerit ergo Laurentius hic monetae opifex.

[459] Buscagium, perhibente Du Cangio, est „praestatio pro buscis, seu lignis, quae in urbem inferuntur.” Sed hic probabilius idem significat, ac boscus, buscus, et buscaria, nempe silvam.