langorem multorum, qui devote auxilium implorant eiusdem, relegando ab ipsis; nobisque fuisset devotissime supplicatum, ut et canonizaremus eundem, et sanctorum annumerari cathalogo faceremus. - - Ideo - - mandamus, quatinus inquiratis per iuratos testes idoneos tam de vita et conversatione ipsius Archiepiscopi, quam de miraculis supradictis et circumstantiis universis diligenter et perspicaciter veritatem et eorum dicta fideliter redigentes in scriptis, ea sub vestris sigillis - - transmittatis. - - Datum Reate V. kal. Sept., P. a. 5.
Theiner Mon. Hung. I. 99. - Fejér Cod. dipl. III. II. 251.
319.
1231. 20. Oct. - Gregorius PP. IX. arbitrium super quibusdam decimationibus inter Abbatiam Montis Pannoniae et Praeposituram Albensem per E. Subdiaconum Papalem „tunc in Ungaria commorantem” et Magistrum M. Archidiaconum de Saswar prolatum,[461] reprobat. - Dat. Reate XIII. kal. Nov., P. a. 5.
Theiner Mon. Hung. I. 99; Fejér Cod. dipl. III. II. 267.
320.
1231. - Andreas II. in recompensationem damnorum, quae Archiepiscopus et Capitulum Strigon. occasione sacrae suae peregrinationis perpessi sunt, a singulo curru in Aranyos Vincz sales deferenti, ratione tributi unum salem dependi iubet.
Andreas dei gracia Rex Hung., omnibus, presentem paginam inspecturis, Salutem et omne bonum. Ad vniuersorum noticiam uolumus peruenire, quod cum Strigoniensis ecclesia, quia ab ipsa, tamquam a matre[462] ceterarum ecclesiarum et magistra, ecclesiastica recipiamus sacramenta, prerogatiua gaudere debeat speciali; statuimus, vt in loco, qui Oronos Winch dicitur, quem locum cum suis pertinencijs eidem ecclesie, nullo participante, contulimus, in recompensacionem Dampnorum, que tam Archiepiscopus, quam ipsi Canonicj pro nobis perpessi sunt, dum essemus in seruicio ihu. xpi.,[463] quilibet currus, cuiuscunque sit, inde pertransiens et Sales deferens, unum Salem conferat Capitulo pro tributo, Scilicet duos Ku1us.

[461] Vide Nrum. 302.

[462] Hic in Originali subtracta, seu deleta vox: nostra sequitur.

[463] Vide Nrum. 230.