375.
... Andreas II. Capitulum Strigon. in tributo Strigon. confirmat.
Ego A., dei gracia Hungarie rex, uolens donaciones patris mei Bele et fratris mei Hemerici, felicis recordacionis regum, factas Capitulo Strigon. ecclesie, in tributo scilicet Strigon., firmas et illibatas conseruare, sicut in priuilegiis ipsorum continetur; hoc scripto, bulla regia[475] roborato decerno, ut nullus se, uel suos occasione litterarum, in preiudicium predictarum donacionum a nobis impetratarum, a prestacione tributi penitus excuset, sed omnes inanes sint et sine firmitate.
E Nro. 373., e quo diploma hoc a. circ. 1235. editum fuisse, coniicere licet. - Ed. Fejér 1. c. III. II. pag. 419.
376.
... Andreas II. super conditione terrae Ziman inquiri iubet.
Andreas dei gracia Rex Hungarie, fidelibus suis Abbati et Conuentui ecclesie sancti Benedicti de iuxta Goron salutem et graciam. Fidelitati uestre firmiter precipiendo mandamus, quatenus detis uestrum testimonium fidedignum, coram quo comes Iwanka de Barahca, homo noster, accedendo super faciem terre Ziman uocate, quam Paulo filio chellei, Yzoth cum fratribus suis, et Stephano similiter cum fratribus suis dinosscimur contulisse, ab omnibus iobagionibus castri Borsiensis et specialiter a Zocho, utrum predicta terra Ziman sit castrensium, aut iobagionum Castri, inquirat sub fide deo et Corone Regie debita omnimodam ueritatem, et secundum quod uobis ueritas constiterit, nobis fideliter rescribatis. Datum in Zolum feria quarta proxima ante Dominicam Reminisscere.
Sigillum margini exteriori fuit appressum. Originale in Arch. Cap. Strig. publ. Capsa 8. Fasc. 5. Nr. 1. - Est scriptura testante Andreae II. Regis.
377.
... Vestigium litterarum Andreae II. super libertatibus Nobilium Archiepiscopalium.
Boleslaus Archiepiscopus Strigon. confirmans litteras Lodomerii Archiepiscopi et transumtum Thomae Archiepiscopi, haec profert:
[475] Fejér: aurea!
Első
