Archiepiscopo et archiepiscopatui Strigon. cum omnibus suis utilitatibus et pertinencijs perpetuo traditas et collatas, ut premittitur, uolumus, ut nullus Archiepiscoporum processu temporum distrahere, uendere, mutare, seu quouismodo ualeat alienare, cum siut nostre elemosine speciales. Qui si quoquo modo alienauerit ex iisdem, pro non alienata, prout et nunc, sic extunc ex uigore presencium deceruimus habituram, sed semper salue remaneant possessiones antedicte tam in toto, quam in parte, cum pertinencijs et utilitatibus earum uniuersis perpetuo et irreuocabiliter possidendum, Vt nostra donacio elemosinaria et libertatum collacio de memoria hominum non euellatur. In cuius rei memoriam, firmitatemque perpetuam presentes concessimus, dupplicis Sigilli nostri munimine roboratas. Datum Anno domini Millesimo ducentesimo tricesimo nono, tercio kalendas Octobris, Regni autem nostri Anno quarto.
E transumto Mathiae Regis a. 1465. In Archivo Primat, Sec. Lad. A. Nr. 10. - Ed. Fejér Cod. dipl. IV. I. 152. 161., Teleki Hunyadiak kora XI. 106.
413.
1239. a. 14. Oct. - Bela IV. Mathiae Curiali Comiti Archiepiscopi Strigon., ut servitium suum commode obire possit, partem terrae Anyala restituit.
BEla dei gracia Vngarie, Dalmacie, Croacie, Rame, Seruie, Galicie, Lodomerie, Cumanieque Rex, Omnibus xpi. fidelibus, presentem paginam inspecturis, salutem in eo, qui est salus omnium et uita. Effectum iusta postulantibus indulgere, tam uigor equitatis, quam ordo exigit racionis, presertim cum petencium uota et pietas adiuuat et iusticia non relinquit. Hinc est, quod ad uniuersorum, tam presencium, quam posterorum noticiam harum tenore uolumus peruenire, quod cum diuina fauente gracia per successionem regni regimen ad nos fuisset denolutum, Iuuenimus quandam terram, nomine Anala, ad quinque aratra sufficientem, in comitatu de Kamarun existentem, ad castrenses de Zulgageur et de Bana et ad castrenses predicti castri Kamarun communiter pertinentem, a Mathia Curiali comite Archiepiscopi Strigon. possessam, quam iudices nostri, ad reuocanda Jura Castrorum constituti, castris restituerunt antedictis. Verum quia idem Mathias comes propter terre defectum, seruicium, ecclesie Strigon. debitum, commode exhibere non poterat; nos propter fauorem ipsius ecclesie, terram vnius aratri et dimidij de terra supranominata sibi duximus relinquendam, quam eidem per fidelem nostrum Michaelem, prepositum de Itubuy fecimus assignari, certis circumquaque metis distinctam. Vt igitur hec nostra donacio nullis umquam temporibus in irritum ualeat reaocari, sed semper salua et inconcussa permaneat; ad ampliorem certitudinem