uersus Occidentem, inciditin metas terre Wedered, que est terra Jobagionum eiusdem Castrj, per quas descendens, incidit in metas terre Cvrtuelus, que est terra Nobilium, et ibidem incidit in metas terre alterius Curtuelus, que est Jobagionum castri supradicti, ab Occidente demum per metas eiusdem tendit ad metas tercie ville Cvrtuelus, que est terra Cozme, Jobagionis Castrj antedicti, et per metas eiusdem terre procedens uersus Septemtrionem, incidit in metas terre Pachv, Hospitum castri sepedicti, per cuitis metas protenditur usque ad metas terre Scelench Castrensium, Et sic per metas ipsius terre redit uersus Orientem ad primam metam et ibidem terminatur. Datum anno gracie Millesimo ducentesimo quadragesimo tercio, IIjo. Idus Maij, Regni autem nostri anno Octawo.
Sigillum e rubro et albo serico pendebal. Orig. pulchre exaratum in Arch. Cap. Poson. priv. Capsa D. fasc. 4. Nr. 39.
436.
1243. 7. Jun. - Bela IV. antiquas libertates Nobilium de Scepusio recenset et confirmat.
BELA dej gratia Hungariae, Dalmaciae, Croaciae, Ramae, Seruiae, Galliciae, Lodomeriae, Comaniaeque Rex, Omnibus Christj fidelibus, praesentem paginam inspecturis, Salutem in Omnium saluatore. Cum in multitudine populorum regum gloria, ac principum suminopere accendatur, non immerito Regalis celsitudo de suis subiectis prouisionibus amplioribus debet ordinare, Vt ijdem fidelitate et numero augeantur. Ad omnium itaque notitiam, tam praesentium, quam posterorum, praesentis scripti testimonio volumus peruenire, Quod nos Vniuersis Nobilibus de Scepus eandem, quam ab antiquo habuerunt, conseruare uolentes libertatem, Statuimus, quod nullus ipsorum aliquam collectam, uel exactionem soluere teneantur, nisi ipsa collecta ad seruientes Regis et alios quoslibet nobiles fuerit generalis. Item per fora et portas eiusdem Scepus nullum tributum ipsi nobiles et sui Jobbagiones persoluant. Item in expeditione, per nos facta sub nostro Vexillo quatuor, qui habent terram, octo aratrorum sufficientem, unum mittere debeant decenter armatum. Item Comes de Scepus nec ipsos, nec eorum Jobbagiones possit iudicare, nisi in causis furti, monete et decimarum. Super causis autem minutis, inter se ortis, diffiniendis, Ipsimet sibi Judicem possint eligere, quem uellent; et si super aliquo inter eos Duellum contingat iudicari, nonnisi in nostra praesentia debeat terminari. Item Comes de Scepus nullum descensum super eos possit facere uiolentum. Item si quis ex ipsis sine haerede decesserit, Vniuersa bona, tam mobilia, quam immobilia ipsius, cui filia, si habeat, uel relicta nupserit

---