496.
1250. - Filii Chumb, iobagiones castri Neogradiensis, terram Hatvan Stephano Archiepiscopo Strigon. vendunt, coram Cruciferis Strigon.
A B C D
Frater J., magister domus hospitalis sancti regis Stephani de Strigonio, ceterique fratres eiusdem domus, vniuersis, presentem paginam inspecturis, salutem in domino. Ad uniuersorum noticiam uolumus peruenire, quod Augustinus, Petrus et Ambrosius, filij Chumb, iobagiones castri Neugradiensis, una cum pristaldo eorum” homine nostro, nomine Ladislao, in nostra presencia personaliter constitutj, dixerunt, quod quandam terram eorum, nomine Hotuon, ad quadraginta aratra sufficientem, quam iure hereditario possidebant, uendidissent, commetaneis suis, xpoforo uidelicet, filio Voycha, de uilla luchin, Michaele, filio vylegin, de uilla Sureg, Paulo, filio Scereth, Ysolou, filio Boloc, presentibus et non contradicentibus, venerabili patri, domin Sth. archiepiscopo Strigon. pro decem marcis argentj perpetuo iure possidendam, quam summam pecunie procuratores sui memoratis filiis Chumb coram nobis plenarie persoluerunt; dicebant eciam ijdem procuratores, dominum archiepiscopum dictam terram emisse ecclesie sue Strigoniensi”. Cuius terre mete hoc ordine distinguntur: Prima meta incipit a quodam monticulo, qui Kuhyg dicitur, et inde uadit ad kereckuken; Inde autem descendit ad quendam fluuium, qui Hotuon potoka nuncupatur; Inde protenditur iuxta eundem fluuium ad orientem per longum, ascendendo ad duas metas augustini supradicti; Inde uadit ad metas Michaelis et inde ascendit ad metas paulj, et inde descendit ad partem meridionalem ad metas ysou supradictorum, reuertendo ad primam metam kuhig, ubi terminatur. In cuius rei testimonium presentes concessimus litteras, sigilli nostri munimine roboratas. Datum anno domini Mo. CCo. Quinquagesimo.
Fragm. sigilli e serico rubro pendet. Orig. in Arch. Prim. Sec. Lad. Q fasc. 4. Nro. 75. - Edidit Fejér 1. c. IV. II. pag. 80.
497.
1251. 28. Jan. - Gopol terram suam Chath Archiepiscopo Strigon. coram Capitulo Albensi vendit.
Capitulum. ecclesie Albensis vniuersis xpiane fidei cultoribus, presentibus pariter et futuris, presentes Litteras inspecturis, Salutem in domino. Vniuersitati vestre tenore presencium innotescat, quod Gopol, filius Chepani,
Első
