domino. Significamus uobis, quod Janur de uilla Colun uocata, et Mathias officialis venerabilis in xpo. patris et domini nostri Stephani archiepiscopi Strigon., in nostri presencia constituti, dixerunt, quod quidam Jacobus nuncupatus, filius Dionisij libertini ipsius Janur, de uilla Geruncher uocata, interfecit uinitorem ipsius archiepiscopi, Mancha nominatum, de uilla Pagran nomine. Quapropter ipse Mathias citauerat eundem Janur in presenciam domini regis; sed antequam super hoc facto coram rege lis fuisset inchoata, antedicti Janur et Mathias, mediantibus communibus amicis, composicionem inter se amicabilem habuerunt hoc modo, quod dictus Janur teneretur soluere duodecim marcas argenti pro homicidio antedicto, de quibus idem Janur persoluit sex marcas argenti, minus fertone, filio dicti Maneha, Petk nuncupato; pro sex uero marcis et fertone idem Janur, presente filio suo Borozlou nominato et ipso consenciente, terram suam, Cheka uocatam, undique metatam, ut ab eisdem Janur et Mathia dicebatur, confessus est se statuisse dicto archiepiscopo, iure perpetuo possidendam. In cuius rei testimonium presentes concessimus litteras, sigilli nostri munimine roboratas. Anno gracie Mo. CCo. Quinquagesimo primo, Datum sexto Idus Julij per manus magistri Demetrij, lectoris Nitriensis.
Sigillum detritum e flavo, rubro et nigro serico pendet. Orig. in Arch. Prim. Sec. Lad, K. Fasc. 5. Nro. 48. - Edidit Fejér 1. c. IV. II. pag. 84.
501.
1251. post 27. Nov. - Philippus Praepositus et Capitulum Strigon. super venditione terrae Nergues litteras per manus magistri Pauli Lectoris Strigon. edunt.
Orig. in Arch. Kékkő. Wenzel 1. c. II. 221. - Litterae Regis hoc in negotio ad Capitulum directae, datae sunt feria secunda ante festuna s. Andreae, seu 27. Nov. - Ib.
502.
1251. 30. Nov. - Innocentius PP. IV. Archiepiscopo Strigon, iniungit, ut Palatino et aliis Magnatibus violentum in villis ecclesiarum descensum inhibeat.
Innocentius episcopus, seruus seruorum dej, Venerabili fratri ... Archiepiscopo Strigon. Salutem et apostolicam benedictionem. Cum ecclesiarum bona clericorum sint usibus deputata, profecto non conuenit, ut in eis debachentur laici, quauis fulti potentia uel abusu. Accepimus siquidem, quod Nobiles uiri ...
Első
