Palatinus et alij Magnates Regni Vngarie pretextu cuiusdam consuetudinis, que potius est corruptela dicenda, in villis ecclesiarum tue Ciuitatis et diocesis per uiolentiam hospitantes, earumdem villarum bona, predictarum villarum hominibus inuitis et contradicentibus, gratis sine aliquo pretio, pro sua uoluntate diripiunt et consummunt, in earumdem ecclesiarum preiudicium non modicum et grauamen; sicque fit, ut iniuriatoribus huiusmodi pretextu talis consuetudinis rentibus id inpune, ecclesiarum ipsarum hac occasione depereunt quamplurimum facultates. Volenles igitur huiusmodi abusum de illis partibus penitus amputare; fraternitatj tue per apostolica scripta mandamus, quatinus dictos Nobiles, quod decetero ab huiusmodi presumptione, non obstante pretenta
consuetudine, omnino desistant, monitione premissa, districtione qua; conuenit, per te uel alios, appellatione remota, compescas, quotiens fuerit oportunum. Non obstante constitutione de duabus dietis, edita in concilio generali, et si eisdem Nobilibus, quod excommunicari, uel terre eorum interdici non ualeant, a sede apostolica sit indultum, inuocato ad id, si necesse fuerit, auxilio brachij secularis. Datum Perusij II. kal. Decembris, Pontificatus nostri Anno Nono.
Bulla e filis cannabeis pendet. Orig. exesum in Arch. Primat. eccl. vet. Nr. 12. - Edidit ad a. 1250, Fejér 1. c. IV. II. 76.
503.
1251. - Maria Regina quosdam de Epel iobagiones exercituales constituit, eisdemque terram in villa Kövi confert.
Nos M. dei gracia Regina Hungarie, omnibus, quibus presentes ostenduntur, volumus fieri manifestum, quod nos inspicientes seruicia et fidelitates fidelium nostrorum Symonis et Oltumerani (?), filiorum Nicolay, Miko,[518] de Epel, hanc duximus eisdem graciam faciendam, quod ipsos Jobagiones exercituales ordinauimus; donantes eisdem in villa Kuuy triginta duo iugera terrarum de terra Reginali, ubi melius inuenitur, et eorumdem filijs et filiorum successoribus perpetualiter et inreuocabiliter possidendam. Datum in wissegrad per manus Akus prepositi. Anno doinini Mo. CCo. Lo. primo.
Fragm, sigilli e rubro serico pendet. Orig. litteris minutis cursivis exaratum in Arch. Cap. Strig. priv. Lad. 26. Fasc. 1. Nro. 2. - Ed. Cod. Strig. II. 61., Wenzel 1. c. VII. 325.
[518] Vox haec ab alia coaeva manu alio atramento addita.
Első
