et contiguis morituri.[572] Propter quod una cum nostris Baronibus considerantes, quod predicta commutacio nec erat fructuosa, neque utilis pro regia fundacione, propter breuem ambitum et loci paruitatem; quod idem archiepiscopus suburbium uersus Danubium et portum transitus, scilicet Danubij, in toto possidendum sibi retinuerat, et nos eciam in nostris prioribus litteris priuilegialibus fundandi ciuitatem et forum ibi in portu Danubij fieri in perpetuum concessimus. Quibus uisis et consideratis, uolentes deum habere pre oculis, predictam commutacionem reuocamus, cassamus et nullius firmitatis de cetero pronunciamus, et predictum pallacium, quemadmodum predictus pater noster karissimus archiepiscopo et archiepiscopatui Strigon. tradidit, ita et nos beato Adalberto, pro nomine domini nostri ihu. xpi., et suo archiepiscopo perpetuo condonamus, cum omni plenitudine sui Juris et tota antiqui Castri circuicione; Ita, ut nullo unquam tempore predictum pallacium, aut magni Castri medietatem nostri successores nomine Regie proprietatis, uel commutacionis repetere ualeant et in prophanos usus amplius reuocare, quod deo et suis seruitoribus est ipsum pallacium Regium cum suis pertinencijs condonatum. Ciuibus autem nostris dedimus auctoritatem fundandi ciuitatem in loco suo antiquo et consueto, propter discordie eliminacionem cum Strigon. ecclesia et burgam euitandam. In cuius rei memoriam et firmitatem perpetuam presentes concessimus, dupplicis sigilli nostri munimine roboratas. Datum per manus dilecti nostri et fidelis magistri Smaragdi prepositi albensis. Anno domini Mo. CCo. L. sexto. Decimo sexto kalendas Januarij. Regni autem nostri anno vigesimo secundo.
Fragm. sigilli e caeruleo serico pendet. Orig. uncialibus litteris exaratum; in Arch. Prim. Sec. Lad. J. Fasc. 1. Nro. 4. - Edidit Fejér 1. c. IV. II. pag. 374. et extr. 413., - Ad topographiam veteris arcis Strigon. magni momenti.
575.
1256. - Nobiles de Kural terram trium aratrorum vendunt,
Venditores
Item Nobiles de Kural, videlicet romanus,Syluester,Akus, Marcellus, Kural et Thomas, frater eiusdem
In anno domini 1256. Anni vsque modo 175.
Emptores
Wrko, filio Baas, terram trium aratrorum pro octo marcis argenti decime combustionis. Mete autem ipsius terre contmentur in littera prepositi et Capituli Strigon.
E regesto membran. a. 1431. Orig. in Arch. Prim. Sec. Lad. K. Fasc. 5. Nro. 52. Ed. Cod. Strig. I. 45.

[572] Rectius: mortuis, alludendo ad vicinitatem coemeterii.