litteras, Duplicis sigilli nostri munimine roboratas. Datum per manus magistri Farkasij, Electi Albensis, aule nostre vice cancellarij, dilecti et fidelis nostri. Anno domini Milesimo CCo. LXo. quarto, Regni autem nostri Anno vicesimo Nono.
Fragm. sigilli dupplicis e serico rubro et viridi pendet. Orig. in Arch. Prim. Sec. Lad. M. Fasc. 1. Nro. 3. - Extr. Fejér 1. c. IV. III. 184. - Ed. Cod. Strig. I. 52.
671.
1264. 11. Nov. - Maria Regina Magistro Sixto, lectori Strigon., ob legationem suam ad Curiam Romanam, terram reginalem Hetény in perpetuum confert.
(M)aria, dei gracia Regina Hungarie, omnibus, presentes litteras inspecturis, salutem et omne bonum. Cum seruitoribus nostris fidelibus per premiorum beneficia prospicimus, nobis eciam ipsis consulimus in hac parte, quod eos ad exhibenda nobis fidelitatis obsequia prompiores efficimus, cum eis Largius aperimus munificentem (sic) nostre manus. Hinc est, quod ad uniuersitatis uestre noticiam horum serie uolumus peruenire, quod cum Discretus magister Syxtus, lector Strigon., dilectus et fidelis clericus noster, tam domino Bele, illustri Regi, karissimo nostro coniugi, quam nobis et Corone Regie honus laboriosi itineris, ad curiam Romanam frequenter eundo, subiens, nostra ibidem et Corone Regie Arduissima negocia, per multos annos moram trahendo ibidem, ad honorem Regie magnificencie et nostram procurauerit et promouerit fideliter, laudabiliter et prudenter, non dubitando se exponere terre, maris, ac emulorum nostrorum periculis et fortune; nos, etsi non ex condigno, cum istud, habito respectu ad meritorum suorum prerogatiuam et seruiciorum magnitudinem, exiguum reputemus; volentes tamen eiasdem bonis et magnis laboribus respondere aliqualiter, terram nostram, que in uilla Heten, in comitatu de Kamarun, Strigon. Diocesis, pro indiuiso nos contingebat, sibi, suisque heredibus, Heredumque successoribus, de uoluntate et beneplacito predicti domini nostri Regis contulimus, donauimus, concessimus, ac tradidimus, ab eo et suis heredibus, heredumque successoribus iure perpetuo irreuocabiliter possidendam, facientes eundem magistrum Syxtum per abraam, prepositum sancti Georgij de Strigonio, in corporalem possessionem predicte terre introduci, per quem eciam homines nostros, qui incolatum eiusdem terre renuerant, inde fecimus remoueri. In cuius rei testimonium presentes dedimus litteras, duplici (sic) sigilli nostri munimine roboratas. Datum per manus venerabilis patris Pauli, Episcopi Wesprimiensis, aule nostre cancellarij, dilecti et fidelis nostri, anno domini Mo CCo LXo quarto, tercio ydus nouembris.
E transumto Capituli Albensis a. 1272. Vide Nrum. 789. - Fejér Cod. dipl. IV. III. 254.