672.
1264. - Magister Joannes, Archidiaconus de Gradna, Canonicus Nitriensis, coram Capitulo Strigon. praesentat nomine Capituli Nitriensis „litteras Venerabilis Patris, Domini nostri, Philippi, Archiepiscopi Strigon., aulae Regiae Cancellarii, continentes, quod Dionysius nobilis de Chermel, in sua constitutus praesentia, qui infirmitate praepeditus ad nos accedere non potuit, dixisset viva voce, quod portionem suam” terre cuiuspiam Capitulo Nitriensi legasset.
Fejér Cod. dipl. IV. III. 241.
673.
1264. - Sibridus, teutonicus Medlicensis, tributum de Udvard Philippo Archiepiscopo Strigon. coram Capitulo Jauriensi vendit.
A B C
Capitulum ecclesie Jauriensis, vniuersis xpi. fidelibus, presentes litteras inspecturis, salutem in domino sempiternam. Ad vniuersorum noticiam tenore presencium uolumus peruenire, quod comes Sebridus, Theuthonicus de Med1ek, in nostra proposuit presencia constitutus, quod cum ipse erga dominum nostrum Belam, dei gracia illustrem regem Vngarie et eiusdem regni magnates suam efficaci titulo fidelitatem capiens refulgere, se totum ad quedam ipsius domini regis et regni exposuisset negocia exequenda, et in ipsa execucione per hostiles fuisset insidias captiuatus, detentusque diucius, nec remissus, nisi se debuisset redimere dato censu. Hoc eum necessitatis articulo compellente, Tributum de Wduord, a prefato domino rege in seruiciorum suorum recompensacionem sibi collatum, ex regali beneplacito et assensu, prout in patentibus eiusdem domini regis litteris vidimus continerj, venerabili patri, domino Philippo, archiepiscopo Strigon., Aule regie Cancellario, pro septuaginta marcis boni et finitj argenti, ab eodem plene receptis, se confessus est uendidisse, in perpetuum pacifice possidendum. Regale priuilegium, cuius auctoritate idem tributum possedit, coram nobis ipsi venerabili patrj, domino archiepiscopo assignando,[632] ut eo idem pro ipsius conseruacione tributi, si opus fuerit, uti possit. Wt autem hec uendicio maiori ualeat testimonio confirmarj, partibus a nobis petentibus, in huius contractus munimen presentes dedimus litteras, sigilli nostrj munimine roboratas. Anno domini

[632] Vide Nrum. 570.