domini Mo CCo LXo Quarto. Chepano preposito, Jurkone Cantore, Hectore Custode existentibus.
Sigillum sat bene conservatum et rubro et viridi serico pendet. Orig. in Arch. Prim. Sec. Lad. M. fasc. 1. Nro. 4. - Edidit Fejér 1. c. IV. III. pag. 251.
674.
1264. - Comes Sebridus de Medlek terras Örs et Vérth Philippo Archiepiscopo Strigon. vendit coram Capitulo Jauriensi.
A B C
Capitulum ecclesie lauriensis, vniuersis presencium inspectoribus salutem in omnium saluatore. Vniuersitati uestre presentibus innotescat, quod comes Sebridus, Theutonicus de Medlek, coram nobis proposuit constitutus, quod cum ipse ad prosequendum quedam domini Bele, dei gracia illustris Regis vngarie, et ipsius Regni negocia, ut eius fidelitas clariorem penes ipsum dominum Regem et eiusdem Regni magnates titulum sortiretur, Zelo probabili penitus se exponens, in manus inimicorum, sibi insidencium, incidisset, eas nonnisi datis pro se censibus euasurus, formidans vitam suam per eos misero mortis genere terminari, Quasdam terras suas, terram videlicet uille Wrs, in comitatu castri de Camarum situatam, ab eodem castro exceplam, sufficientem ad vsum duodecim aratrorum, Item aliam terram Werth uocatam, de castro de Bana exceptam similiter et exemptam, quatuor aratrorum vsui competentem, Quas quidem ex donacione, seu collacione Regalj, seruiciorum suorum meritis exigentibus, possidebat, ipso domino Rege, sicut in eiusdem litteris patentibus nobis euidenter constitit, permittente, venerabili patrj, domino Philippo, miseracione diuina archiepiscopo Strigon., perpetuo pacifice possidendas, pro Triginta marcis finj argenti se asseruit uendidisse, ipsis Triginta marcis coram sibi plenarie persolutis. In testimonium igitur huius Rei, ad peticionem parcium, presentes dedimus litteras, sigilli nostri munimine Roboratas. Anno ab Incarnacione domini Millesimo Ducentesimo Sexagesimo Quarto. Chepano preposito, Jurkone Cantore, Hectore Custode existentibus.
Fragm. sigilli e serico rubro et viridi pendet. Orig. lacerum in Arch. Prim. Sec. Lad. Q. Pasc. 4. Nro. 68. - Ed. Cod. Strig. I. 56.
Első
