ecclesia, sibi archiepiscopatus nomine facta, tenuit, habitit et possedit, quas villas et ecclesiam eciam dominus suus, vniuersalis successor ipsius domini Stephani, archiepiscopatus Strigon. nomine, habet et habuit, tenet et tenuit, possidet et possedit; nec est uerosimile, vt idem procurator dicebat, quod prefatus dominus Stephanus, Prenestrinus Episcopus, qui probitatis sue merito ad excellenciorem statum est vocatus, villas, Ecclesiam, vel alia bona predictorum nobilium, vel quorumlibet aliorum, contra iusticiam occupasset. Cumque super hijs inter partes fuisset coram nobis diucius altercatum, tandem predicti nobiles iusiurandum bone memorie domino Benedicto, tunc Strigon. archiepiscopo, acceptante procuratore suo et nobis approbantibus, detulerunt; super eo videlicet, quod ecclesia et ville, superius comprehense, per Strigon. archiepiscopum non sint violenter occupate, sed iusto titulo archiepiscopatui acquisite; sed prob. dolor, negocium preordinato modo expediri non potuit, utpote eo, qui iurare debuit, ante diem, iuramento prestando assignatum, morte sublato de medio et humanum iudicium euadente. tandem ipsi domino Benedicto, venerabili patre Philippo, quondam Zagrabiensi episcopo, nunc Strigon. archiepiscopo, in archiepiscopatum succedente, prefati nobiles super villis et ecclesia prefatis suam nobis iterum porrexerunt querelam et tandem partes, hoc est antedicti nobiles, ex una parte, et procurator venerabilis patris Phylippi, Strigon. archiepiscopi, ex altera, super villis, Zalathna et verebuna uocatis et ecclesia sancti Nicolai, coram nobis constitute, ante ingressum cause, ex nostra permissione inter se taliter conuenerunt, quod predicti nobiles ecclesiam et uillas predictas Strigon. Archiepiscopo pleno iure dominij reliquerunt habendam et habendas, possidendam et possidendas pacifice et quiete; Venerabilis autem pater Philippus, Strigon. archiepiscopus, soluet nobilibus, superius nominatis, Triginta quinque marcas argenti de pagamento, pro bono pacis, in terminis infrascriptis; hac interiecta condicione, vt si aliquis, uel aliqui de cognacione vel agnacione, vel quauis propinquitate ipsorum, Strigon. archiepiscopum, qui fuerit pro tempore, super villis et ecclesia premissis impecierit, vel impecierint, ipsi nobiles tenentur archiepiscopum Strigon, defendere et penitus expedire. Contra extraneos autem impetitores archiepiscopi super villis et ecclesia sepefatis tenentur ipsi nobiles archiepiscopo, vel eius procuratori assistere et eum defendere et adiuuare pro uiribus et pro posse. Super eo autem, quod predicti nobiles dicebant, occassione terre predictarum villarum terram suam de prato seu fenili ad dimidium aratrum iuxta Verebena occupatam, taliter inter partes extitit ordinatum, quod usque ad prefatam quantitatem, idest ad dimidium aratrum, assignabitur ipsis nobilibus per officialem archiepiscopi de terra arabili ville Verebuna ex parte terre nobilium prefatorum; assignabit eciam idem officialis venerabilis patris, archiepiscopi Strigon., Iwan terram, ex parte terre sue, de terra ville Verebuna ad tantam quantitatem, quantam de terra ipsius Iwan uiderit et sciuerit, fuisse per populos de Verebuna occupatam.