una meta antiqua, prope quam est una magna pirus. Dehinc multum transeundo in circuicione magni montis uenitur ad duas metas antiquas. Post hec transit per rubos et sunt due mete, et ibi finiuntur mete terre Symeonis comitis. Deinde parum eundo, sunt tres mete, donec venitur ad montem et postea sunt due mete. Post hec parum transeundo, uenitur ad duas metas per eundem montem. Dehinc uenitur ad duas metas, ad magnum montem transeundo, uenitur ad duas metas. Deinde versus occidentem uadit iuxta magnam viam et iuxta eandem viam sunt due mete, in quarum una est lapis erectus; abhinc incipiendo uenitur ad quandam pirum, ubi est congeries lapidum, et ibi mete ipsius terre terminantur. Vt igitur huius nostre collacionis series rata in posterum perseueret, presentes eidem concessimus litteras, Dupplicis sigilli nostri munimine roboratas. Datum per manus magistri Stephani, vicecancellarij nostri, anno domini Mo CCo Sexagesimo quinto.
E transumto Fenennae Reginae. Vide ad a. 1294. 1. Mart. - Edidit Fejér 1. c. IV. III. pag. 286.
692.
1265. - Sebridus, theutonicus Medlicensis, tributum de Udvard, cum terris Örs et Vérth, Philippo Archiepiscopo Strigon. coram Cruciferis Strigon. vendit.
Frater Petrus, diuina miseracione magister domus Hospitalis sancti Stephani Regis de Strigonio et conuentus eiusdem, omnibus xpi. fidelibus, presens scriptum inspecturis, salutem in omnium salvatore. Ad vniuersorum noticiam tenore presencium volumus peruenire, quod comes Sebridus, teothonicus de Medlek, coram nobis personaliter constitutus, est confessus, quod tributum in vduord, quod ex donacione, seu munificencia Bele, illustris Regis Hungarie, obtinuerat in suorum recompensacionem seruiciorum, necnon terram Wrs, in comitatu Kamariensi, ad duodecim aratra, ut dicebat, sufficientem, terram quoque Wert, ad castrum de Bana pertinentem, ad quatuor aratra sufficientem, cum omuibus pertinencijs earumdem, utilitatibus, siluis, fenetis et pisscinis, quas eciam ex ordinacione predicti domini B. Regis illustris possederat et possidebat, ex permissione et beneplacito prefati domini Regis, prout in ipsius litteris patentibus, super hoc confectis, uidimus contineri, vendidisset venerabili patri, domino Philippo, archiepiscopo Strigon., aule Regie Cancellario, pro centum Marcis boni et finiti argenti in perpetuum possidenda,[638] quam summam centum Marcarum dictus Sebridus comes asseruit sibi a domino archiepiscopo

[638] Vide Nros. 673. et 674.