691.
1265. - Maria Regina Benedicto Comiti, fratri Pauli Episcopi Vesprimiensis, pro revocata per Regem possessione Pel, terram suam propriam Wyceps confert.
Maria, dei gracia Regina Hungarie, Omnibus xpi. fidelibus, tam presentibus, quam futuris, salutem in domino sempiternam. Vniuersorum noticie tenore presencium declaramus, Quod cum dominus Rex possessionem comitis Buken, sine herede decedentis, Pel uocatam, pro multiplicibus meritis seruiciorum venerabilis patris Pauli, Episcopi Wesprimiensis, aule nostre Cancellarij, tunc albensis ecclesie Electi, aule regie vicecancellarij, fratri eiusdem, comiti Benedicto, fideli nostro, ad nostram peticionem et instanciam contulisset perpetuo possidendam, in corporalem eum possessionem inducendo, et quodam posthumo, a Relicta eiusdem postmodum nato, dicta collacio fuisset per dominum Regem reuocata: Nos alta et ardua eorumdem episcopi et fratris sui seruicia, que domino Regi et Regno, ac nobis in diuersis legacionibus et Regni expedicionibus fideliter impenderunt, benignitate regia attendentes, quandam terram nostram, Wyceps uocatam, de gracia domini Regis nobis, et non Reginatui donatam, in comitatu Strigoniensi constitutam, tum in recompensacionem seruiciorum eorumdem, tum in concambium possessionis predicte, Pel uocate, que ab eodem comite Benedicto fuerat reuocata, eidem comiti Benedicto et per eum suis heredibus, ad domini Regis instanciam, beneplacitum et consensum, de plenitudine nostre gracie contulimus, dedimus et donauimus pacifice et perpetuo possidendam, eum in corporalem possessionem eiusdem terre induci et metas, ac terminos eiusdem terre per magistrum Stephanum, fidelem aule nostre vicecancellarium, nullo contradictore apparente, circumspici et conscribi faciendo. Cuius quidem mete hoc ordine distinguntur: Prima meta incipit per siccum fluuium et uenit ad congeriem lapidum, inde uadit directe ad duas metas tereas; deinde uadit ad tres metas antiquas. Postea per frutices transeundo uersus aquilonem sunt tres mete terree. Dehinc eundo iuxta viam antiquam, sunt tres mete terree. Deinde transeundo per eandem viam, sunt tres mete iuxta ipsam viam. Postea declmat versus montem et transeundo iuxta nouam viam, sunt tres mete. Debinc eundo iuxta nouam viam sunt due mete iuxta compita. Postea per frutices eundo, sunt tres mete. Deinde transit per vallem et inter vepres a parte aquilonis sunt tres mete. Deinde iuxta viam antiquam tendendo, sunt due mete. Postea transit uersus orientem et sunt quatuor mete, et ibi finiuntur mete nobilium de genere Turda, et incipiunt mete populorum nostrorum de Rad. Dehinc per unam viam transit uersus orientem et sunt tres mete iuxta viam eandem. Postea tendit uersus meridionalem partem iuxta vallem et sunt (sic) montem sunt due mete magne. Dehinc uenitur ad arborem piri, ubi sunt due mete noue. Postea uenit ad salices per vallem transeundo, in fine cuiusdam feneti est