707.
1266. - Philippus Archiepiscopus Strigon. emit iure perpetuo particulam terrae Zeuleus.
Ita Fejér Cod. dipl. IV. III. 384.
708.
1266. - Gregorius Praepositus et Capitulum Strigon., Wycke Decanum de mandato Regio ad reambulandas terrarum Comitum Hunt Paznan metas exmittunt.
Wenzel 1. c. VIII. 151.
709.
1267. 11. Febr. - Clemens PP. IV. Stephanum, Praepositum Posoniensem, Demetrii Archidiaconi Strigon. electione reiecta, in Archiepiscopum Colocensem denuo confirmat, Clemens - - ad futuram rei memoriam. Resumpto Nro. 705., prosequitur:
Sane magister Jacobus Prepositus et Helyas Canonicus Colocenses, memorati Demetrii Capellani nostri, necnon et Coloc. et Bachiensis Canonicorum procuratores, - - sedem apostolicam postmodum adeuntes, - - proposuerunt -, quod ad electionem dicti Demetrii fuerat rite processum, cum electio dicti Stephani, qui patiebatur in scientia et etate defectum, nulla fuerat ipso iure, et electores ipsius, qui ad illam scienter processerant, fuerant eo ipso eligendi potestate privati. Quo ad solos electores prefati Demetrii devoluto, electio, ab ipsis canonice de ipso Demetrio celebrata, confirmanda erat, et ipsam, non obstante confirmatione electionis dicti Stephani, quam obrepticie dicebant obtentam, - - confirmare cum instantia petierunt. Nos autem pluries procuratores ipsos requisivimus, si vellent proponere alia et specialiter in personam memorati electi; quibus respondentibus, se aliquid aliud - - non habere, nos - - electionem dicti Demetrii, quia invenimus eam post dictam canonicam electionem memorati S. electi, cui etatis defectus, super quo - - dispensatum - - fuerat, non obstabat, cuiusque scientia fuerat dudum - - sufficiens reputata, - - cassavimus, - - prefato Demetrio et suis electoribus - - perpetuum silentium imponentes. Datum Viterbii III. Id. Febr., P. a. 2.
Theiner Mon. Hung. I. 292., Katona Hist. Crit. VI. 452., Fejér Cod. dipl. IV. III. 360.

---