710.
1267. Mense Febr. - „Conventus Monasterij Waradiensis” testatur, fratrem Filium, Abbatem et Conventum Sexardiensem terram Peturd „ex permissione domini Regis Bele et ex consensu et assensu reuerendissimi Patris, domini Philippi, Strigon. Archiepiscopi, prout in eorumdem patentibus litteris, exinde confectis, nobis exhibitis et perlectis, plenius vidimus contineri, presentibus etiam magistro Macha, filio Michaelis, homine domini Regis et religioso viro, fratre Thoma, Abbate de Felduar, homine domini Philippi Strigon. Archiepiscopi, per eosdem - - ad reambulandam ipsam terram Peturd, - - destinatis,” Comiti Bodur, filio Pouse, Vice Judici Laurentii Palatini, pro 60 marcis vendidisse. - - Datum mense Febr.
Wenzel 1. c. III. 171 - 176.
711.
1267. 20. Jul. - Bela IV. Rex, merita et fidelia servitia Comitis Joachimi, de genere Churla, ac filiorum Thomae et imprimis Philippi Archiepiscopi Strigon., laudibus celebrat et remuneratur.
Bela - - -. Cum Nobilis vir, Comes Thomas, filius Comitis Joachim, de genere Churla, inclyte recordacionis Domino Regi Colomano, Magnifico Duci Sclauonie, karissimo fratri nostro, a primis puericie sue annis, donec idem dominus Colomanus Rex vitales carpsit auras, diuersis temporibus diuersa obsequiorum genera curasset laudabiliter et fideliter exhibere; tandem eodem karissimo fratre nostro uiam uniuerse carnis ingresso, nobis adherens, Cororie Regie cum summo deuocionis ardore eximie fidelftatis a multis retro annis exhibuit famulatum. Dictus eciam Comes Joachim, pater eius, exponendo se in diuersis Regni nostri expedicionibus pro nostra et Regni nostri defensione periculis et fortune, grata similiter nobis impendit seruicia quoad vixit; frater quoque dicti Thome Comitis, videlicet Venerabilis pater noster, Dominus Philippus, Sancte Strigon. Ecclesie Archiepiscopus, cum Zagrabiensi Ecclesie digne et laudabiliter presideret, missus per nos pro nostris et Regni nostri necessitatibus ad Romanam Curiam et in vlteriores partes Italie, ac alias regiones, ibidem multis vicibus in propriis stipendiis militando, et se aeris intemperiei, maris et viarum periculis et aliis innumerabilibus incommodis exponendo, uniuersa nostra negocia, sibi commissa, peregit ad cumulum honoris Corone nostre fideliter et prudenter. Procedente eciam tempore, idem dominus

---