noticiam tenore presencium uolumus peruenire, Quod cum domina Maria, Illustris Regina Vngarie, nobis per suas litteras precepisset, ut unum ex nobis, cum comite Rubyno, Villico Strigoniensi, homine suo, mittere deberemus, cuius testimonio idem comes Rubynus terram ipsius domine Regine, Nyr uocatam, quam Mortunus et Georgio, interpretibus Kelduchynicumani, eadem domina Regina in prefatis suis litteris se contulisse scribebat, perambularet et statueret hominibus memoratis, Nos iuxta ipsius domine Regine mandatum, vnum ex nobis, uirum ydoneum et discretum, videlicet Wytkam presbiterum, Ecclesie nostre Decanum, ad terram misimus antedictam; qui demum rediens, nobis retulit, quod cum dictus comes Rubynus, ad ipsam terram accedens, eandem per metas suas ueteres, uocatis et presentibus hominibus Reginalibus, supra eadem terra Nyr residentibus, perambularet et circuiret et prefatis Mortunus et Georgio assignare intenderet; Petrus, filius Johannis de Nyr, ciuis Strigoniensis, in ipsa terra comparens, presentibus prefatis hominibus Reginalibus de Nyr, et nominatim ex eisdem Georgio, Palen, Syka, Leguen et Petro, filio Buchte, ac alijs ipsius terre vicinis et commetaneis, terram hereditariam, ad usum trium aratrorum sufficientem, nom cum metis separatam, sed mixtim adiacentem, distinctam cum herbis, in eadem terra Nyr dixerit se habere. Et tam dicti populi Reginales, quam eciam alij commetanei eundem Petrum in ipsa terra Nyr affirmauerunt et confessi fuerunt, habere terram quantitatis memorate. Predicti etiam Mortunus et Georgius, quibus ipsa terra Reginalis assignata extitit, terram prefati petri, in eadem mixtim adiacentem, ut premisimus, cum feneto et alijs utilitatibus, ac pertinencijs suis reliquerint et dimiserint eidem Petro, pacifice sine aliqua inquietudine possidendam. In cuius rei testimonium et memoriam presentes nostras concessimus Litteras, sigilli nostri munimine Roboratas. Datum per manus magistri Sixti, Scolastici Strigon. Anno domini. Mo. CCo. LXo. Octauo.
Sig. minus bene conservatum e serico viridi pendet. Orig. nitide conscriptum in Arch. Cap. Strig. priv. Lad. 29. Fasc. 1. Nro. 2. - Ed. Cod. Strig, I. 93., Wenzel 1. c. VIII. 214.
723.
1268. - Cruciferi Strigon. Martinum, Abbatem de Grón, ecclesiae suae terram de Párkány Simeoni, Jobagioni Castri Strigon., donasse testantur.
Frater Petrus, diuina miseracione magister domus Hospitalis sancti Stephani Regis de Strigonio et conuentus eiusdem, vniuersis xpi. fidelibus, litteras presentes inspecturis, salutem in omnium saluatore. Ad vniuersorum noticiam