756.
1271, 28. Jun. - „Magister Ladizlaus Prepositus, totumque Capitulum Strigon. Ecclesie”, de divisione terrarum „inter Comitem Mychaelem, Magistrum Farkasium et Zo1och, filios Comitis Folcus, de genere Kachin” peracta testantur. „Presentibus Magistro Syxto Lectore, Valentino Cantore. Matheo Custode, Karachino Preposito Sancti Georgij et Archidiacono Strigon., Renaldo Preposito Sancti Thome, Antonio Preposito Posoniensi, ceterisque Archidiaconis, Canonicis, in Ecclesia Sancti Adalberti Martiris Deo deuote celebrantibus - - quarto kal. Jul.”
Wenzel 1. c. VIII. 353.
757.
1271. 14. Jul. - Ottocarus Rex Bohemiae inter puncta pacis, cum Stephano Rege Hungariae initae, sequentia recenset:
Si termini hinc iude fuissent avulsi vel mutati, - - Archiepiscopus Strigon. et Episcopus Olomucensis, - - super ipsis terminis et limitibus cognoscent, et id, quod legittime diffiniverint, per censuram ecclesiasticam partes facient observare; hoc adiecto, ut occasione terminorum seu limitum, de quibus dicti Archiepiscopus et Episcopus cognoscent, pacis puritas - - non turbabitur, nec nos cum eodem rege relabemur in guerrarum discrimina recidiva.
Si aliqua graviora per homines Regis Ungarie vel Barones eiusdem attemptata fuerint, sive facta, - - super hiis - - Ph. Strigon. archiepiscopus ex ordinaria iurisdictione, quam omnes Barones et homines regni Ungarie in se prorogaverunt, cognoscet - -; et quod diffiniverit, executioni mandabit, contradictores per censuram ecclesiasticam districtius composcendo.
Si vero, quod absit, Rex Ungarie pacis violator ex quacunque causa inventus fuerit vel turbator, ipso facto incidet in sententiam excommunicationis, quam exnunc - - Archiepiscopi Strigon. et Colocensis, eorumque suffraganei episcopi Ungarie tulerunt in scriptis solempniter.
Archiepiscopus etiam Strigoniensis, qui Ordinarius Regis Ungarie existit, et Archiepiscopus Colocensis, ipsius Cancellarius, ac suffraganei eorundem - - excommunicationis sententiam in scriptis solempniter tulerunt, quam ipse Rex Ungarie ipso facto incurret, si transgressor pacis existeret. - - Datum et actum Prage. A. d. 1271. 2. Id. Jul.

---