765.
1272. 17. Mart. - Stephanus V. Rex „patentes litteras Magistri Sixti, Letoris Strigon., pro reuocandis vduarnicorum nostrorum iuribus iudicis per Hungariam ea vice deputati,” Nro. 762. comprehensas, confirmat. - Datum. XIV. kal. Apr.
Wenzel 1. c. VIII. 392.
766.
1272. 21. Martii. - Stephanus V. fundacionem monasterii de Chut, a patre suo Bela IV. factam, rati habet et possessiones eidem donatas limitibus circumscribit.
(I)n nomine sancte trinitatis et indiuidue unitatis. (S)Tephanus, dei gracia (H)ungarie, (D)almacie, (C)rcwacie, (R)ame, (S)eruie, (G)allicie, (L)odomerie, (C)umanie, (B)ulgarieque Rex, successiue posteritati ad perpetuam rei memoriam salutem in domino sempiternam. (Q)uanto Regalis sublimitas propensiori affectu et attencionis deuocione superna contemplatur, diuina gracia adiuuante, tanto operibus affectum debet producere ad effectum, maxime unicum talamum xpi., ecclesiam videlicet katholicam sublimando, religiosis consulendo, ut sic eterne remuneracionis premium cum temporalis uite subsidio consequatur. (S)ane considerantes, dilectos nobis in dei filio fratres ordinis premonstratensis tanto pocioris antidoto fauoris Regij prosequendos, quanto specialiori deuocione eosdem nouimus obsequijs et reuerencie beatissime uirginis, que nostra et Regni nostri est domina et patrona, beatique Eustachij obligatos, ac uberioribus caritatis, que multitudinem peccatorum operit, operibus habundare; ipsos uolentes pro nobis et pro anima domini B. illustris Regis Hungarie, karissimi patris nostri, felicissime recordacionis, apud deum ponere intercessores, monasterium pro eisdem fratribus in Insula Chuth, in honore beati Eustachij, et domos, ac officinas religiose conuersacionis quieti congruentes, disposuimus, sicut predictus karissimus pater noster, clare memorie, disposuerat et ordinauerat, premissa deliberacione Regia ordinare. (E)t quia religiosam uitam ducentibus prona beniuolencia quoslibet katholicos et maxime personas, regali dignitate predictas, conuenit subuenire, ne alicuius necessitatis occasio eos in diuinis desides aut negligentes efficiat, uel robur, quod absit, sancte conuersacionis, subtracto subsidio uite utriusque, infringat, monasterium predictum et religiosam domum de Insula Chath uoluimus et uolumus, sicut antedictus dominus Rex, karissimus pater noster, uoluerat et ordinauerat, filiacionis iure soli subesse ecclesie premonstrathensis; dotantes idem monasterium pro remedio anime