liberum et expeditum et a nemine occupatum dare et tradere et ipsum ab omni persona, vniuersitate, seu collegio defendere, auctorizare et disbrigare et in perpetuum indempne ipsum Capitulum ab omnibus conseruare. Et predicta et infrascripta omnia et singula promisit et per stipulacionem sollempnem per se et suos heredes attendere et obseruare et adimplere cum effectu, sub obligacione omnium bonorum suorum, mobilium et immobilium, presencium et eciam futurorum, sub pena dupli dictarum Ducentarum marcarum, que pena tociens committatur et exigi possit et debeat cum effectu, quociens in aliquibus seu aliquo de predictis fuerit contrafactum. Quam penam prelibatus Vgrinus per se et heredes suos eidem Capitulo dare et soluere, ut dictum est, si in aliquo contrafecerit per se, uel per alium, uel omnia et singula non seruaret, sollempni stipulacione promisit et pena soluta uel non, contractus iste firmus, illibatus permaneat omni tempore in totum et qualibet parte sui. Et insuper predictus Vgrinus tactis corporaliter sacrosanctis euangelijs, iureiurando promisit et firmauit sollempniter, omnia et singula supradicta per se et suos heredes firma et illibata seruare et in nullo alicuius rei pretextu, cauillacione, malicia, seu ingenio contrafacere, uel uenire. Vt igitur premissarum uendicionis, in solutum dacionis, ratihabicionis et approbacionis nostrarum, stipulacionumque super diuersis articulis contractarum et expressarum superius series, firmitasque iuramenti, per ipsum Vgrinum corporaliter prestiti, successiuorum lapsu temporum nequeant in ambiguitatis, seu dubij scrupulum reuocari: omnia premissa et singula premissorum clare et expresse appro bamus, ratificamus et ex certa sciencia harum serie confirmamus; Cum Canonum regula paternorum, decisa salubriter et sollempniter diffinita, quibus presertim iurisiurandi religio accessit, nec uiolari paciatur, nec aliqualiter uacillare. Actum in Castro Budensi, Anno domini Millesimo C°C°. LXX°. Nono, Indiccione VII., Pontificatus domini Nicolai, pape tercij, anno Secundo, IV. kalendas Aprilis. Presentibus Venerabili patre, domino Lodomerio, dei gracia Episcopo Waradiensi; Magistro Johanne Electo; Benedicto preposito et Nicolao Canonico Colocensibus, Nicolao preposito sancti Yrenei; Magistro Gyroldo archidiacono de Dobycha in Ecclesia Zagabriensi (sic); Nobilibus uiris laycis, Demetrio filio Demetrij; Stephano et Pousa, filijs Johannis; Georgio filio Symonis; et multis alijs testibus, ad hec uocatis specialiter et rogatis. Ad premissorum itaque perpetuam memoriam presentes nostro et predictorum venerabilis patris Lodomerij, Waradiensis episcopi, et Magistri Johannis, Colocensis Electi, sigillis fecimus comuniri.
Duo exemplaria adsunt, in utroque sigilla e rubro et viridi serico pendebant, e medio quidem sigillum Legati, quod in primo exemplari sat integre conservatum, Praelatum, baculo et mitra ornatum ac dextra benedicentem exhibet, cum perigraphe: S. PHYLIPPI. DEI. GRA. EPI. ET. CO(M)ITIS. - In alio exemplari