aliud sigillum rotundum cum figura quadam mutilata et perigraphe detrita superest. - In Arch. Cap. Strig. priv. Lad. 25. fasc. 1. Nro 1. et 2. - In primo exemplari a tergo legitur: "Super palacio Zenie d(omi)ne;" in altero: "Priuilegium super palacio magno de Ciuitate." - Extr. Fejér Cod. dipl. V. II. 604. - Ed. Cod. Strig. II. 127. et Wenzel Cod. Arp. IX. 246. - Quantas inanes et superfluas, ac a nostro stylo curiali alienas repetitiones literae hae continent!
78.
1279. 29. Mart. - Nicolaus de Guarcino Notarius publicus idem cum Nro. praecedenti teslatur.
In nomine domini Amen. Anno Natiuitatis eiusdem Millesimo Ducentesimo Septuagesimo Nono, Indictione Septima, Pontificatus domini Nicolai, pape Tertij, Anno Secundo, IIII. kalendas Aprilis, In presentia mei Notarij et testium subscriptorum, Nobilis Vir, Vgrinus, de genere Czach, Magister Tauernicorum domini Ladislai, dei gracia Illustris Regis Vngarie, libera et propria uoluntate, sciens se ad infrascripta non teneri, sed ex certa sciencia, sua sponte uendidit, tradidit et concessit, dedit, cessit, adque mandauit, seu in solutum dedit, discretis Viris, Magistris Ladislao Strigon., et Renaldo sancti Thome in promontorio Strigon., Prepositis, procuratoribus ipsius Strigon. ecclesie, recipientibus et stipulantibus pro Capitulo eiusdem Strigon. ecclesie, quoddam Palatium, quod idem Vgrinus habebat in Ciuitate Strigon., super locum fori, cum omnibus domibus. Curijs, ac casamentis, fundis et areis, cui a parte Septemtrionali quidam Strictus Vicus coheret, per quem descenditur usque ad flumen parui Danubij, et postmodum iuxta eundem Danubium paruum protenduntur termini usque ad domum Petri, dicti Calui, albergatoris, et sic reuertuntur termini et limitationes usque ad magnam plateam fori, et sic reuertuntur iterum ad strictum uicum, de quo superius est premissum, - - cet., mutatis mutandis, ut Nro. 77. De damno autem 500 marcarum, per "Nicolaum, quondam Ladislai, clericum" Capitulo Strigon. illato, dicit: "sicut in actis Curie Venerabilis patris, domini Philippi, dei gratia Firmani Episcopi, apostolice sedis legati, manu Octoboni de ferraria Notarij dicitur contineri."
Et ego Nicolaus de Guarcino, auctoritate sedis apostolice publicus Notarius, huic uendicioni interfui, scripsi et signum feci rogatus. Et ad maiorem firmitatem predictus dominus Legatus presens instrumentum fecit sui Sigilli appensione muniri.
Signum eius crucem quatuor semicirculis cinctam exhibet. A tergo: Super palacio Zenie, domini Firmani Legati. - Sigillum e rubro viridi et flavo serico pendebat. Orig. in plicaturis exesum, in Arch. Cap. Strig. priv. Lad. 25. fasc. 1. Nro. 3. - Extr. Cod. Strig. II. 131.