98.
1280. 20. Aug. - Muthmerius prepositus Scepus. curiam quamdam Stephano, filio Chene confert.
(M)agister M. prepositus ecclesie sancti Martini de Scepes, memorie commendantes, significamus, quibus expedit, presencium per tenorem, quod nos quandam Curiam, iuxta fluuium poprad existentem, que quondam curia kese fuerat, quam ab eodem kese nos pro quibusdam excessibus suis et dampnis, nobis et ecclesie nostre datis et illatis, ordine iudiciario optinuimus, Stephano, filio Chene, fideli et familiari seruienti nostro, pro meritis et seruicijs suis, que nobis exhibuit, cum sex iugeribus terre, spectantibus ad ecclesiam sancti Mychaelis, cum supradicta Curia dedimus, donauimus, seu contulimus ipsi Stephano et suis heredibus, heredumque suorum successoribus, iure perpetuo, pacifice possidendam; excepto eo, quod si idem Stephanus post mortem nostram preposito, in locum nostrum succedenti, non seruiret, uel debitum non impenderet famulatum; extunc idem Stephanus de ipsa Curia et suis utilitatibus vnum fertonem et non plus, singulis annis dare et soluere teneatur. In cuius rei memoriam, perpetuamque firmitatem presentes concessimus litteras, sigilli nostri munimine roboratas. Datum Strigonij in festo sancti regis Stephani, Anno domini. M°. CC°. LXXX°.
E Nro. 270. - Extr. Fejér Cod. dipl. VI. I. pag. 74.
99.
1280. mense Aug. - Vincentius Episcopus Nitriensis Gothardum de Ludán ordinis Minorum cum vidua et orphanis fratris sui super possessionibus convenisse, Capitulo Strigon. notificat.
Discretis uiris et honestis dominis, amicis suis in X°. karissimis, L. preposito et Capitulo Strigon., W. miseracione diuina Episcopus Nitriensis, mutuam in domino caritatem. Nouerit discrecionis uestre amicicia, quod frater Gothhardus de ordine fratrum minorum, nobilis uir de Ludan, presentibus Relicta comitis Chaba, fratris dicti fratris Gotthardi, Nicolao et Mikou, orphanis eiusdem comitis Chaba, a predicta domina generatis, et ipsis consencientibus, proposuit coram nobis, quod totam porcionem suam, quam habebat in uilla Prezlen, cum omnibus utilitatibus et pertinencijs suis, ipsi domine pro quinquaginta marcis, in rebus, quas ipsa domina tempore nubciarum suarum dixit fuisse secum delatas, acceptis ab eadem domina plenarie, ut asseruit, uendidisset iure perpetuo et in(reuocabiliter) possidendam; in alijs vero possessionibus ipsorum tale dixerunt inter se concambium ordinasse, quod possessiones

---