ecclesia quiete et pacifice usque ad hec tempora ipsum tributum habuit, tenuit pariter et possedit, sic et nunc possideat, Nec quispiam audeat, uel presummat predictam ecclesiam Budensem in suis iuribus memoratis perturbare; quod si qui rectorum, iuratorum, uel ciuium castri, uel subcastri Budensis eandem ecclesiam Budensem non desierint molestare: preter auctoritatem delegatam nobis, secundum quam diffinitiuam sentenciam iam protulimus, sicut superius est expressum, eciam auctoritate metropolitica per excommunicacionis sentenciam, ex nunc latam, arceantur. In cuius rei testimonium presentes concessimus, sigilli nostri munimine roboratas. Datum Bude tercio die post festum beati Luce ewangeliste, Anno domini Millesimo ducentesimo nonagesimo quinto.
Sigillum cum zona periit. Orig. perpulchre exaratum, sed lacerum, in Arch. Cap. Poson. Capsa Bud. 1. fasc. 1. Nr. 9. - Ed. Fejér Cod. dipl. VI. I. 358., cuius errores recensuimus Magy. Történelmi Tár XII. 11.
376.
1295. 21. Oct. - Comes Martinus Vice-Judex Curiae, Comitem Thomam de Draa et Comitem Michaelem filium Fulkus ac cognatos "se contra invicem super facto possessionis Pehchan, quam Comes Thomas predictus Nicolao Archidiacono (Neogradiensi) vendidisse dicebatur," prohibuisse testatur. "Datum Bude septimo die vigesimi secundi diey sabbati proximi, que fuit ante festum Beati Michaelis Archangeli."
Wenzel Cod. Arp. X. 194. - Vide Nros. 119. et 455.
377.
1295. 17. Nov. - Frater Nicolaus Magister et Conventus Cruciferorum Strigon. testatur, "quod Georgius filius Andree de Zomur et domina Marguich, relicta Damiani Comitis, vna cum Dominico filio suo; domina Kune relicta Endree; domina Chuda relicta Cozme de eadem Zomur; domina Martina relicta Mathei; Blasius, Lampertus et Antonius filii Berke; Salamon, Johannes et Petrus fratres ipsorum; Jacobus filius Nicolai; Stephanus filius Pouse de eadem Zomur; Endree gener prefati Cozme et Dyonisius, Mychaei gener prefati Mathey et Petrus frater Yburharth, gener eiusdem Mathei," "quandam possessionem, seu terram ipsorum Oduornok uocatam, iam dudum uacuam et habitatoribus destitutam et murum ac lapides de ecclesia eiusdem possessionis propter desolacionem et antiquitatem dicebant esse dissolutos et

---