ad reformandum regie gracie quosdam barrones Budam descendere necesse habuissemus regiam excellenciam ad uidendam, dum una cum domino nostro rege et suis baronibus consederemus pariter, discreti uiri Lector, Cantor, Custos et fere omnes Budensis ecclesie canonici, suam iniuriam extra iuris ordinem per ciues noui montis Pestiensis de castro Budensi, ipsi Budensi ecclesie in tributo debito et consueto, videlicet ascendenti, frequencius hoc anno irrogatam, querulosis querimonijs significare curauerunt. Ad quorum querimoniam serenissimus dominus noster rex Andreas, presentibus comite Vernerio, rectore castri Budensis, iuratis et ciuibus quibusdam, suum priuilegium allegantibus, ac sponte assumentibus, per diffinitiuam sentenciam nostri iudicij ad examen commisit et delegauit terminandam. Sed et prefatum Capitulum Budense ad uberiorem cautelam exibuit nobis regie celsitudinis litteras, infrascriptum continentes hunc tenorem:
Sequitur Nrus. 374.
Partibus itaque, scilicet predictis ciuibus ab una parte, et Budensi Capitulo ex altera, in crastino beati Luce ewangeliste (19. Oct.) in nostri presencia personaliter constitutis; per eosdem ciues quoddam priuilegium Bele regis, inclite memorie, duplici sigillo pendenti cera in serico consignato, nobis, tamquam a domino Rege iudici delegato, extitit presentatum. In quo priuilegio inter ceteros articulus fuerat hijs insertus: quod ciues Budenses ab omni exaccione tributi preter tricessimam et saluo iure ecclesie Budensis, quantum ad sales recipiendos, sint exemti; et per hoc ijdem Ciues fundare intencionem suam intendebant, quod ecclesie Budensi tributum in salibus tantummodo et non in alijs rebus uenalibus soluere tenerentur. E conuerso uero Budense capitulum exibuit priuilegium Geysa (sic) secundi, Secundi Bele regis filij, satis diurnum et annosum, in quo inter cetera reperimus contineri, quod inter alias donaciones suas, in eodem Priuilegio expressas, nauium eciam tributum, cum vino, siue cum salibus asscendencium, siue cum alijs uenalibus descendencium, Budensi ecclesie regia maiestatis auctoritate condonare curauisset; per quod constitit euidenter, ut ijdem ciues Budenses et alij non solum in salibus, uerum eciam de uino et de quibuslibet rebus uenalibus tributum ipsi Budensi ecclesie soluere teneantur. Insuper pacificam possessionem et longissimi temporis prescripcionem, cuius memoria non existit, quod Budensis ecclesia in possessione prefati ascendentis tributi pacifice perstiterit, allegauit. Nos igitur ipsa priuilegia parcium examinantes secundum iuris et equitatis trutinam equa lance, comperimus, quod predictum priuilegium Bele regis nullam expressam de prememorato Geysa regis priuilegio, centum annis et ultra in antea emanato, faciebat mencionem, sicut nec debebat, sic nec ipsum in aliquo reuocabat; cum beneficia principum, ecclesijs seu pijs locis semel concessa, largissime interpretari debeant et non minui, sed augeri; uti Budensis

---