E Nro. 493., ubi clare Lodomerio AEppo attribuitur. - Extr. Fejér Cod. dipl. VI. I. 399. - Ed. Cod. Strig. II. 211. et Wenzel Cod. Arp. X. 191.
382.
1295. 13. Dec. - Abraham Rufus curialis Comes Poson. possessiones Churle et Simperg filiis Benedicti de Okoly adiudicat. - Datum in festo Beate Lucie Virginis ac martiris.
Wenzel Cod. Arp. V. 146., vide etiam pag. 157. - Vide Nrum. 28. et 199.
383.
1295. - Andreas III. Rex transscribit et confirmat Nrum. 365.
Andreas, dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex, omnibus xpi. fidelibus, presens scriptum inspecturis, Salutem in domino sempiternam. Ad vniuersorum noticiam harum serie uolumus peruenire, Quod Comes Mauricius, officialis venerabilis patris domini Lodomerij, archiepiscopi Strigon., eiusdemque loci comitis perpetui, vice et nomine eiusdem domini sui, ad nostram presenciam accedens, exhibuit nobis priuilegium comitis Martini, viceiudicis Curie nostre, super facto quarumdam posessionum filiorum Kazmerij, Been et Kemend vocatarum, per diffinitiuam sentenciam ipsius viceiudicis Curie nostre, secundum consuetudinem Regni nostri, ab antiquo approbatam, ad ipsum venerabilem patrem deuolutarum, confectum; petens a nobis cum instancia, vt ipsum Priuilegium ratum habere et nostro dignaremur priuilegio confirmare. Cuius quidem Priuilegij tenor talis est:
Sequitur Nrus. 365.
Nos itaque iustis peticionibus ipsius comitis Mauricij fauorabiliter annuentes, ipsum Priuilegium viceiudicis Curie nostre, iuste et legitime super facto dictarum posessionum emanatum, attendentes non abrasum, non cancellatum, nec in aliqua sui parte viciatum, ratum habuimus et acceptum et presentis priuilegij nostri patrocinio duximus confirmandum. In cuius rei memoriam, perpetuamque firmitatem presentes concessimus, duplicis sigilli nostri munimine roboratas. Datum per manus venerabilis patris, domini Theodorij episcopi Jauriensis, aule nostre vicecancellarij, dilecti et fidelis nostri. Anno domini M°. CC°. nonagesimo quinto.
Fragmen sigilli e caeruleo flavoque serico dependet. Orig. in Arch. Prim. Sec. Lad. J. fasc. 1. Nro. 12. - Ed. Cod. Strig. I. 107.
Első
