384.
1295. - Andreas III. Rex confirmat. Nrum. 385.
ANdreas, dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque Rex, Omnibus xpi. fidelibus, tam presentibus, quam futuris, presens scriptum inspecturis, salutem in domino sempiternam. Ad uniuersorum, tam presencium, quam futurorum, noticiam harum serie uolumus peruenire, Quod nobilis uir, comes Ladizlaus, filius comitis Nicolai, ad nostram accedens presenciam, exhibuit nobis quoddam priuilegium Domine Th. karissime matris nostre, super collacione cuiusdam terre, seu possessionis, Zub uocate, confectum; petens a nobis, ut ipsum priuilegium ratum habere et nostro dignaremur priuilegio confirmare; cuius quidem priuilegij tenor talis est:
Sequitur Nrus. 385.
Nos igitur consideratis et eciam circumspectis meritorijs obsequijs predicti comitis Ladislai, que nobis exhibuit locis et temporibus oportunis et specialiter in hoc articulo; predictum priuilegium domine matris nostre, non abrasum, non cancellatum, nec in aliqua sui parte uiciatum, de uerbo ad uerbum presentibus insertum, auctoritate nostri priuilegij duximus confirmandum, predictam terram Zub ipsi comiti Ladislao nichilominus auctoritate presencium denuo damus, conferimus et donamus. In cuius rei memoriam, firmitatemque perpetuam presentes concessimus litteras, duplicis sigilli nostri munimine roboratas. Datum per manus discreti uiri, magistri Theodorij, albensis ecclesie prepositi, aule nostre uicecancellarij, dillecti et fidelis nostri. Anno Domini M°. CC°. Nonagesimo quinto.
Sigillum e violaceo serico pendebat. Orig. in Arch. Cap. Strig. priv. Lad. 26. fasc. 6. Nro. 2. - Ed. Cod. Strig. II. 214. et Wenzel Cod. Arp. X. 175.
385.
1295. - Thomasina, mater Andreae III., merita Comitis Ladislai, praecipue in eliberatione Regis captivati comparata, collatione possessionis Szob remuneratur.
Thomasina, dei gracia mater domini Andree, illustris regis Hungarie, Omnibus xpi. fidelibus, presens scriptum inspecturis, salutem in omnium saluatore. Dignum est et omni consentaneum racioni, vt uiri strenui, qui se fortune casibus pro nobis subiicere non formidant, a nostra clementia rapiant antidota premiorum. Eapropter ad uniuersorum, tam presencium, quam futurorum noticiam harum serie uolumus peruenire, Quod licet fidelitates, actusque
Első
