dei gracia Episcopi Quinqueecclesiensis, aule nostre cancellarij, dilecti et fidelis nostri. Anno Domini M°. CC°. nonagesimo quinto.
E Nro. 384. - Ed. Cod. Strig. II. 214. et Wenzel Cod. Arp. X. 184.
386.
(1296.) 23. Jan. - Lodomerius Archiepiscopus Strigon., deposito per Joannem, curialem Capituli Strigon. comitem, iuramento, Nicolaum aurifabrum a iure arendationis terrae Capituli eiusdem, circa Minorem Danubium sitae, cecidisse decernit, neque eum comparuisse testatur.
Damus pro memoria, quod cum iuxta continenciam priorum litterarum nostrarum memorialium[429], tercio die Octauarum epiphaniarum domini, Petrus Decanus, uel Johannes Curialis Comes, aut unus trium procuratorum ecclesie nostre Strigon. contra Nicolaum aurifabrum, Ciuem Strigon., Strigonij in Capella nostra debuisset iuramentum deponere super eo, ut idem Nicolaus aurifaber pensionem terre eorundem fratrum nostrorum, inter minorem Danobium et inter clausuram aque Toplicha constitute, eisdem fratribus nostris a quadriennio negligenter et contumaciter non dedisset, videlicet unciam Regalium et usualium monetarum; ipso die iuramenti adueniente, que incidit in die Dominica, licet idem Comes Johannes, presentibus magistro Cypriano lectore Strigoniensi et Folkomario Sacerdote, ipso Nicolao aurifabro astante, presencialiter in loco eiusdem iuramenti paratus esset iurare: Nos tamen propter diei dominice sollempnitatem ipsum iuramentum ad crastinum diem duxfmus ex nostro officio prorogandum; quo die postmodum coram Dominico Sacerdote, Capellano nostro et homine, ad hoc specialiter deputato, in nostra Capella iurauit modo et ordine supradictis; propter quod ipsum a iure conduccionis et locacionis dicte terre decreuimus merito cecidisse et si quid iuris in hoc habebat, eciam amisisse, iuxta tenorem premissarum memorialium litterarum, continencium iudicij nostri formam. Item magister Thomas prepositus Strigoniensis et magister Anyanus notarius, nomine suo et uice omnium eorumdem fratrum nostrorum, Capituli Strigoniensis, a crastino die deposicionis euisdem iuramenti sex diebus continuis astiterunt in termino coram nobis contra eundem Nicolaum aurifabrum, qui non uenit ad nostram presenciam, neque misit; quamquam nos post expedicionem eiusdem iuramenti super facto uerberum et uulnerum, tam uirorum, quam mulierum, iobagionum eiusdem Capituli de villa noua, circa ecclesiam sancti Dominici constituta, et uerbalium iniuriarum, nec non super facto occupacionis terre eorundem fratrum

[429] ) Vide Nrum 381.