394.
1296. 20. Aug. - Lodomerius Archiepiscopus Strigon. causam inter Capitutulum Budense et Episcopum Vesprimiensem prorogat.
Lodomerius, miseracione Diuina Archiepiscopus Strigon., locique eiusdem Comes perpetuus, Apostolice Sedis iudex delegatus, viro discreto, Magistro Emerico, Maiori Archidiacono eiusdem Strigon. Ecclesie, college suo, ab eadem Sede iudici delegato. - - In octauis Sancti Regis Stephani, videlicet sexto kalendas Septembris (27. Aug.), ad procedendum in causa, que vertitur inter - - Capitulum Budensis Ecclesie - - et Vesprimiensem Episcopum - -, non possumus hac vice apud Strigonium personaliter interesse, Regiis et publicis Regni negociis impediti. Idcirco ipsum negocium - - prorogetis ad secundum diem B. Luce Ewang. proxime uenturum (19. Oct.), inhibentes medio tempore auctoritate Apostolica, et nostra nichilominus Metropolitica potestate eidem venerabili patri, ac Andronico Preposito Vesprim. ac Hermano Comiti, ciui de Castro Budensi et aliis - - ne per facti potenciam se immittant ad decimas occupandas intra territorium ciuitatis Budensis, - - presertim cum eciam dominus noster Inclitus Rex Andreas prestita fide in manus nostras, promiserit ipsi Ecclesie liberas et quietas, sicut antiquitus pacifice possederunt. Nos enim huiusmodi postulantes, qui ausu sacrilego prefatas decimas de facti potencia ulterius presumpserint occupare, - - auctoritate Metropolitica - - excommunicationis uinculo innodamus, - - et hoc idem uestra sinceritas exequatur, - - prout in aliis litteris nostris patentibus continentur. Datum in castro sub monte Saag Sumlua in festiuitate S. Regis Stephani. - Wenzel Cod. Arp. V. 155.
395.
1296. 28. Aug. - Magister Emyricus Praepositus Ecclesiae S. Georgii de Strigonio, iudex a sede Apostolica in hac causa specialiter delegatus mandatum Lodomerii Archiepiscopi Strigon. Nro. 394. comprehensum, exequitur. - Datum in festo sancti Augustini Ep. et Conf.
Wenzel Cod. Arp. V. 162.

---