occasionem in ipsa possessione, uel suis utilitatibus ullo unquam tempore uendicandi; Ita, ut in huiusmodi permissionis, cessionis et satisfaccionis fidem credulam et in maioris certitudinis argumentum, priuilegium eiusdem domini Regis Ladizlay prefatis magistris Jacobo Cantori et Anyano, nomine et uice dominorum et sociorum suorum, prepositi et Capituli sepedicte Strigon. Ecclesie recipientibus, restituit, reddidit et coram nobis manualiter assignauit, ipsam Strigon. Ecclesiam, sacrosanctam matrem suam, contra suam conscienciam nolens in hac sua iusticia ulterius impetere uel turbare. In cuius rey firmitatem et memoriam sempiternam presentes litteras, ad peticionem et instanciam eiusdem Comitis Erdev, preposito et Capitulo Strigon. Ecclesie memorate sigilli nostri appensione dedimus communitas. Datum anno domini Millesimo Ducentissimo nonagesimo Septimo, Tercio ydus Julij.
Fragm. sigilli e rubro et viridi serico pendet. Orig. in Arch. Cap. Strig. priv. Lad. 18. fasc. 2. Nro. 4. - Extr. Fejér Cod. dipl. VI. II. 121. - Ed. Cod. Strig. II. 225.; Wenzel Cod. Arp. X. 287.
417.
1297. 6. Aug. - Capitulum Strigon. Nicolaum filium Comitis Petri, filii magistri Baas de Mykula Mathaeo Palatino castrum Vgroyg (Ugrócz) vendidisse testatur. Datum per Magistrum Cyprianum Lectorem feria tertia ante festum beati Laurentii Martiris.
Wenzel Cod. Arp. XII. 640., ubi tamen literae hae in fronte anno 1299. in textu autem a. 1297. signantur. - Eiusdem anni 19. Junii idem Nicolaus coram eodem Capitulo Strigon. nomine Patris sui et proprio contra venditionem hanc, ad quam prius pater eius et nunc ipse "minis et metu mortis per eundem Matheum Palatinum coacti" fuissent, protestationem interponit. Ibidem pag. 639. - Venditio haec per patrem Nicolai peracta fuit iam. a. 1275. Ibidem pag. 555.
418.
1297. 9. Aug. - Lodomerius Archiepiscopus Strigon. proventus Altariae B. M. V. inter Rectorem et duos Sacerdotes eius dividit et coordinat.
Lodomerius, miseracione diuina Archiepiscopus Strigon., eiusdemque loci Comes perpetuus, Vniuersis xpi. fidelibus, presentem paginam inspecturis, Salutem in omnium saluatore. gloriosissime virgini Marie, mundj domine, celorum Regine, nostre aput vnigenitum filium suum misericordj aduocate, quam throni, dominaciones et quiuis celestis milicie chorus laudum extollit preconijs, eius
Első
