predictorum inclinati, Et quia ipsum priuilegium vidimus et recepimus non abrasum, non abolitum, non cancellatum, neque in aliqua sui parte uiciatum; Tenorem eiusdem seriatim de uerbo ad uerbum inseri facientes (sic), Cuius quidem tenor talis est:
Sequitur Tomi I. Nr. 565. pag. 432.
Preterea totam continenciam tenoris et formam memorati priuilegij in hoc rescriptum et exemplar notari fecimus, sicut superius expressum est et eisdem presentes concessimus, Sigilli nostri munimine consignantes. Datum in festo Sancti Regis Stephani. Anno domini Millesimo Ducentesimo Nonagesimo Septimo.
E transsumpto Laurentii Ujlaki Iudicis Cur. Regiae a. 1520. In Arch. Cap. Strig. priv. Lad. 19. fasc. 4. Nro. 4. - Ed. Cod. Strig. II. 226.; Wenzel Cod. Arp. X. 289.
420.
1297. 21. Aug. - Comes Ugrinus, de genere Hunth-Páznán, sententiam Comitis Martini Vice-Iudicis Curiae Regiae, Nro. 365. exhibitam, iuste et legitime latam agnoscit et possessionem Kéménd Archiepiscopo Strigon. cedit coram Cruciferis Strigon.
A. B. C.
(F)Rater Nycolaus, magister domus Hospitalis sancti Regis Stephani de Strigonio, totusque Conuentus Cruciferorum loci eiusdem, Omnibus xpi. fidelibus, presentem paginam inspecturis, salutem in domino sempiternam. Ad vniuersorum tam presencium, quam futurorum noticiam harum serie volumus peruenire, Quod discreto viro, magistro vrkundino, preposito ecclesie sancti Thome de promonthorio Strigon., vice et nomine venerabilis patris, domini sui, domini Lodomerij, dei gracia archiepiscopi Strigon., locique eiusdem Comitis perpetui, ex una parte, et nobili viro Comite vgrino, filio Cazmerij, de genere Huntpaznan, ex altera, in nostri presencia personaliter constitutis, idem Comes vgrinus palam et publice oretenus est confessus, quod cum Stephanus, Ladizlaus et Lampertus, fratres sui vterini, assumpto spiritu maligno et peruerso, omnique timore dei retroiecto, sanctam et venerabilem ecclesiam Strigon. et maxime populos, possessiones et villas archiepiscopales lesissent, dampnificassent, offendissent et in anime eorum dispendium non modicum grauiter et multipliciter spoliassent bonis eorumdem vniuersis, et pro huiusmodi eorum nocumentis et excessibus manifestis, possessio, terra, seu villa ipsorum hereditaria, Kemend vocata, in Comitatu Strigon. constituta, vnacum suis pertinencijs et vtilitatibus vniuersis, ex parte Iudicis Curie domini Regis in emendam, satisfaccionem et recompensacionem dampnorum, in
Első
