predictus Comes Erneey, filius Mocha, ipsam possessionem suam Nyarhyd vocatam, inter Nyarhyd et villam Kezew sitam, cum omnibus vtilitatibus, redditibus, prouentibus et pertinencijs suis, videlicet fenetis, pascuis, pratis, terris arabilibus, cultis et incultis et vniuersis Iuribus, sub eisdem metis et terminis, quibus (idem Comes Erneey et sui antecessores vsque ad hec tempora possederunt, quam scilicet possessionem Nyarhyd dictam) idem Comes Erney a religioso viro, Fratre dominico abbate Monasterij sancti Ipolyti de Zobor et suo Conuentu pro Concambio cuiusdam possesionis sue Kurth nuncupate, receperat, (permutando) dedit, tradidit et contulit eidem domino Lodomerio archyepiscopo Strigon. et ex consequenti archyepiscopatui, perpetuo et irreuocabiliter possidendam et habendam. E conuerso autem idem venerabilis pater, dominus Lodomerius Strigoniensis[432] pro transmutacione et concambio ipsius possessionis NyarHyd dicte dedit et tradidit (pre)dictam possessionem Swran vocatam, cum omnibus suis vtilitatibus, prouentibus et pertinencijs vniuersis, ex permissione Johannis, filij petri de Zeegy, qui per hominem nostrum requisitus de concambio ipsius possessionis Swran vocate, consensum prebuisset et assensum, contulit eidem Comiti Erney et per eum suis posteritatibus, Iure perpetuo possidendam et habendam. Mete cuius quidem possessionis Swran vocate incipiunt ante domum comitis pauli de Zeeg - - cet. ut Tom. I. Nr. 670. pag. 516. usque verba: vnde ex hoc sciendum est, quod ubicunque terre dicti Monasterij veniunt ad fluuium Nitra, in omnibus locis dimidia pars aque cedit Monasterio memorato. - Tum prosequitur: sicut in priuilegio domini Bele regis, felicis recordacionis, metas predictas ipsius terre Swran vidimus contineri. nec hoc pretermittimus, quod partes aduerse vicissim in ipsis possessionibus, in Concambium et transmutacionem datis et factis, se conseruare tenebuntur et ab omnibus impetitoribus expedire suis laboribus et expensis. In cuius rei memoriam et perpetuam firmitatem, ad peticionem et Instanciam parcium predictarum, presentes concessimus, sigilli nostri munimine roboratas. Datum Anno domini Millesimo Ducentesimo Nonagesimo septimo, Tercio Nonas Septembris.
E transsumpto Ludovici I. Regis. a. 1374. In Arch. Prim. Sec. Lad. M. Nr. 18. - Ed. Fejér Cod. dipl. VI. II. 114. et Wenzel Cod. Arp. XII. 614., qui voces parenthesi inclusas, omisit.
422.
1297. 12. Sept. - Mathaeus Cardinalis intelligens, "quod quaedam religiosae mulieres, in castro Posoniensi, Dioecesis Strigon. Domino servientes,

[432] Emansit: Archiepiscopus.