locum habent aptum, ut monasterium fiat in eo ordinis Sanctae Clarae, praesertim cum sufficientes prouentus habeant ad sustentationem conventus," iniungit Provinciali Fratrum Minorum in Provincia Ungariae, Custodi Jauriensi et Guardiano eorumdem fratrum Castri Posoniensis, ut circa constructionem monasterii necessaria disponant, perquirentes, praecipue, "an ad id consensus Archiepiscopi et Capituli Strigon. ac parochialis Presbiteri accesserit." - Datum apud vrbem veterem secundo Idus Septembris.
Fejér Cod. dipl. VII. V. 538., qui V. Idus Sept. habet et Wenzel Cod. Arp. XII. 601.
423.
1279. 6. Nov. - Lodomerius Archiepiscopus Strigon. ad preces Reynaldi Abbatis de Tykonio privilegium Clementis PP. IV. a. 1266. concessum transscribit. - "Datum in villa Monozlo in festo translacionis beati Adalberti martiris atque pontificis ecclesie nostre catedralis. Pontificatus nostri Archiepiscopalis anno decimo octauo."
Fragmen sigilli e corrigia pendet. Orig. in Archivo Montis Pannoniae. Tihany fasc. 1. Nr. 9. - Ed. Fejér Cod. dipl. VI. II. 87. - Inter bona Abbatiae hic enumerata occurrit etiam: "predium de Vrkutha."
424.
1297. 4. Dec. - Andreas III. Rex cambium inter Lodomerium Archiepiscopum Strigon. et Petrum filium Tiburtii super possessionibus Udal et terra Szakácsi pro Velkenye et Püspöki approbat.
Andreas, dei gracia Hungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque Rex, omnibus Xi. fidelibus, presens scriptum inspecturis, salutem in domino sempiternam. ad vniuersorum noticiam tenore presencium uolumus peruenire, Quod cum petrus petrus (sic) filius Tyburchi contra comitem dominicum de Turri (?) dictum de Wissegrad, coram nobis, presentibus venerabilibus patribus Johanne, dei gracia Archiepiscopo Colocensi et Benedicto quondam Episcopo Waradiensi, ac alijs Baronibus et nobilibus Regni nostri, nobiscum in Iudicio assidentibus, vicio calumpnie notatus fuerit et conuictus, sicut ex serie litterarum nostrarum, exinde confectarum, plenius continetur et in redempcionem sue persone, ne idem ferro candenti in facie imprimatur, quod genus pene de reatu calumpnie infligi assolet in hoc Regno, quandam possessionem suam, Wdol uocatam, pro ducentis et

---