quinquaginta marcis argenti, Budensis ponderis, Comiti Martino, viceIudici Curie nostre, non coactus, non compulsus contulisset. Nos considerantes, quod ipsa causa comitis dominici et petri filij Tyburchij prenotata a presencia eiusdem Comitis Martini vice Iudicis Curie nostre ad examen iudicialis nostre discussionis, cum esset grauis et ardua, deducta fuerat, vt decebat, prout in tam grauibus et arduis questionibus sanccita ab olim et uulgata Regni nostri communis solet exigere consuetudo, ipsa possessio Wdol uocata ad manus nostras deuoluta de Iure fuerat et de facto; eandem possessionem Wdol simul cum omnibus utilitatibus et pertinencijs suis, Insula videlicet in fluuio Goron existente, de eodem Comite Martino auferendo, dedimus et contulimus dominico, magistro Tauarnicorum nostrorum, comiti Symigiensi, ditecto et fideli nostro, perpetuo et pacifice possidendam.[433] Placuit demum venerabili patri, domino Lodomerio, dei gracia Archiepiscopo Strigon., eiusdemque loci comiti perpetuo, dilecto et fideli nostro, ac ipsi dominico magistro Tauarnicorum nostrorum, vt super ipsa possessione Wdol uocata et terra Sakachy, quam idem magister dominicus a magistro Benedicto Sartore nostro, Ciue Strigon., cui ipsam in recompensacionem seruiciorum suorum Regalis nostra pleno Iure contulerat magnitudo, empcionis titulo comparatam habebat, tenebat et possidebat, contractum permutacionis seu concambij facerent infra scriptum: scilicet, ut idem dominicus magister Tauarnicorum nostrorum dictam possessionem Wdol et terram Zakachy, possessionibus ecclesie Strigon. proximas et propinguas, cum omnibus suis vtilitatibus, Insulis, pratis, Nemoribus, fenetis et attinencijs vniuersis, quocumque nomine censeantur, sub metis et terminis antiquis, in quibus per ipsum Comitem petrum, quantum ad possessionem Wdol, et prefatum magistrum Benedictum, quantum ad terram Zakachy, limitate fuerant et possesse, tradidit, dedit et contulit eidem venerabili patri Lodomerio, dei gracia Archiepiscopo Strigon. et per eum Archiepiscopatui Strigon. Iure perpetuo pacifice possidendas, de nostra uoluntate et permissione et consensu. E conuerso autem idem venerabilis pater Lodomerius archiepiscopus Strigon. quasdam possessiones suas archiepiscopales, a tempore, cuius non extat memoria, habitas et possessas, Welkena iuxta fluuium Ryma et pyspuky iuxta fluuium Zohyou (sic) uocatos existentes, cum omnibus vtilitatibus et pertinencijs vniuersis, vicinas et contiguas possessioni ipsius magistri dominici, Nympty uocate, que sibi propter vicinitatem dicte possessionis Nempty meliores uidebantur, eidem magistro dominico et per eum suis heredibus, heredumque suorum successoribus dedit, tradidit et contulit, Iure perpetuo, pacifice possidendas; interueniente similiter nostro consensu, uoluntate et assensu. Hoc specialiter declarato, quod si qua parcium

---

[433] Vide super hoc Wenzel Cod. Arp. X. 261.