societatis eidem impendendae convenerant et aliis sociis ac Fratribus nostris uobiscum in Kál Iudicio assidentibus, sententionaliter" adiudicantur.
E libello: Verböczi első része II-ik czikkelyének magyarázattya. Veszprém. 1820. pag. 64. in nota 23. - Anonymus auctor ipse fatetur literas has nimis erronee esse descriptas. - Fejér Cod. dipl. VII. II. 197. - De situ Kal vide Nrum. 429.
431.
Ca. 1297. - Lodomerius Archiepiscopus Strigon. constitutiones Ordinis s. Pauli primi Eremitae ratificat.
Frater Laurentius, Prior domus s. Crucis prope Strigonium, - - exhibuit nobis constitutiones, seu regulares observantias Religionis ipsorum, in privilegio Reverendissimi Patris, Domini Lodomerij, - - Sanctae Strigon. Ecclesiae Archiepiscopi - - continentes, petens a nobis instanter et devote, ut quemadmodum idem Dominus Archiepiscopus praedictus constitutiones et regulares observantias Religionis eorum, ratificavit, approbavit et confirmavit, tenore sui privilegij mediante, sic et nos per consequens eas ratificare - dignaremur.
E literis Andreae Episcopi Agriensis a. 1297. in crastino b. Lucae Evangelistae (19. Oct.) exaratis. - Eggerer Fragmen panis corvi 92.; Schmitth Episcopi Agrien. I. 229.; Katona Hist. Crit. VI. 1183.; Fejér Cod. dipl. VI. II. 96.
432.
1297. - Thomas Praepositus et Capitulum Strigon. ad preces Pascasii Episcopi Nitriensis literas Stephani V. Regis transsumunt. In festo Ascensionis Domini.
Fejér Cod. dipl. VII. II. 149 et 242, qui literas has ad a. 1291. assignat. Sed Thomas Praepositus Strigon. ante a. 1295. non occurrit; ergo literae nonnisi a. 1295-1297., quo anno Paschasiub Episcopus Nitriensis, ad cuius preces literae hae editae sunt, iam mortuus est, exarari potuerunt. Ideoque nos eas literis anni 1297. adnectimus.

---