428.
1297. - Lodomerius Archiepiscopus Strigon. sacerdotes de magna Insula excommunicari iubet.
Lodomerius, miseracione diuina Archiepiscopus Strigon., locique eiusdem Comes perpetuus, religioso viro, preposito de Chut, alberto plebano noui Montis pestiensis, benediccionem paternam cum sincera dileccione. Cum venerabilis pater, dominus B. dei gracia Episcopus Wesprimiensis, in Sacerdotes, in magna Insula existentes, propter suorum exigenciam meritorum excommunicacionis sentenciam protulerit, sicut priorum nostrarum tenor continet litterarum, nos ratam habuerimus et pariter aprobatam; deuocioni vestre in virtute obediencie mandamus, quatinus in prefatos excommunicatos sacerdotes ipsam latam sentenciam promulgare et denunciare debeatis omnibus diebus dominicis et festiuis. Datum Strigonij in Concilio nostro, anno Domini M°. CC°. nonagesimo septimo.
Cod. dipl. patr. V. 82.; Fejér Cod. dipl. IX. VII. 735.
429.
1297. - Capitulum Vesprimiense testatur, quod magistro Colyno archidiacono Vesprimiensi, tum magistro Wroundino praeposito s. Thomae de promontorio Strigon. et magistro Floriano, vice et nomine magistri Gregorii, nepotis Lodomerii Archiepiscopi Strigon., filii Sauli Comitis de Monuzlow comparentibus; idem Kolinus terram Sasdi, in valle Kaal in Comitatu Zaladiensi existentem, in qua quondam Udvarnici Regales residebant, prope Monuzlow, memorato magistro Gregorio, viro nobili de Monuzlow, filio prefati Sauli Comitis de Monuzlow et filiis suis Ladislao et Souk, centum marcis communis argenti vendiderit.
Cod. dipl. patr. V. 84.
430.
1297. - Ecclesiae de Tördemicz quadraginta iugera terrarum arabilium, "auditis Iurisperitis, magistris videlicet Stephano Posoniensi, (rectius: Seraphino Praeposito Poson.) Domino Vaciensi, Cancellario Domini Ludomerii Dei gratia Archiepiscopi Strigon., Verecundino San-Thomae (rectius: Wrkundino Praeposito sancti Thomae) et Salamone, in villa Monoszló causa societatis

---