436.
.... Idem Benedictus ad recipienda ligna sua, per Nicolaum Palatinum ablata, Andreae Episcopi Jauriensis opem implorat.
Venerabili patri, domino A. miseracione diuina dignissimo Jauriensis ecclesie antistiti egregio, decretorum doctori, magister B. etc. eiusdem facultatis professor, suus supplex Capellanus, desiderium in perpetuum (?) seruiendi, affectumque honorandi, quoad uiuet. De Wienna quedam lignamina pro domo michi facienda super turri quondam vestra, nunc mea reuerende paternitatis vestre per compatrem meum paulum, Ciuem Budensem, deferri faciebam; que quidem lignamina siue tigna Nicholaus palatinus, filius Heinrici, dei amore postposito, aufferri fecit ab eodem, quare paternitatem vestram per presens pitacium (?) queso toto nisu, quatenus magnitudo vestra pro ipsis lignaminibus recuperandis, dignetur clementer interponere partes suas. De quibus tignis XXVI secta existunt in una sui parte, XV uero rotunda sunt et integra Reliquit latro.
E Cod. Mss. Bibl. Pal. Vind. sec. 14. sub. Nro. 1062. pag. 117. Vide notam Nri. 438.
437.
.... Idem magister Benedictus Nicolaum Palatinum ad restituenda ligna ablata provocat.
Magnifico viro etc. magister etc. pure reuerencie constanciam, quoad uiuet. quatenus intuitu seruicij mei predicta lignamina vestra nobilitas reddi et restitui faciat sine dampno.
Ex eodem Mss. Cod. pag. 117. - Vide notam Nri. 438.
438.
.... Lodomerius Archiepiscopus Strigon. Nicolaum Palatinum ad restituenda Benedicto Praeposito Strigon. ligna provocat.
Magnifico viro, N. palatino, filio Heinrici, Lodomerius, miseracione diuina sancte Strigon. etc. pure amicie constanciam. Discretus vir, magister B. Doctor decretorum, prepositus ecclesie nostre, socius noster charissimus, exposuit nobis conquerendo, quod vos XLVI. lignamina, siue tigna sua, que sibi deferri pro domo facienda de vienna faciebat, de quibus tignis XXVI secta existunt

---